اكىمشىلىك جازا بەس ادامعا قولدانىلعان.
قالالىق تجد باسپا ءسوز قىزمەتى مالىمەتىنشە، الماتى تاۋلارىندا 180-نەن استام بىرلەسكەن رەيد جۇرگىزىلدى. ونىڭ بارىسىندا دەمالۋشىلارعا 50 مىڭنان استام جادىناما تاراتىلدى. سونىمەن قاتار ەرەكشە قورعالاتىن ايماقتاردا ءورت جاعۋدىڭ 117 فاكتىسىنىڭ جولى كەسىلدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ق ر اقبك 505-بابى بويىنشا 112 ادام ەسكەرتۋ تۇرىندە، وسى باپ بويىنشا قايتالاپ ءورت قاۋىپسىزدىگىن بۇزۋعا جول بەرگەن 2 ادام جالپى سوماسى 76 575 تەڭگە ايىپپۇل تۇرىندە جاۋاپكەرشىلىككە تارتىلدى. بۇدان بولەك، ق ر اقبك 367-بابى بويىنشا جالپى سوماسى 459 450 تەڭگە ايىپپۇل تۇرىندە – 3 ادام اكىمشىلىك جازاعا تارتىلدى»،- دەپ حابارلادى ۆەدومستۆودان.
قالالىق تجد ماماندارى تاۋلى جەردە شىلىم شەگىپ، وت جاقپاۋعا كەڭەس بەرەدى.
ايتا كەتەيىك، ىلە الاتاۋ ۇلتتىق پاركىندە ىستىق تاماق دايىنداۋ ءۇشىن ارنايى جابدىقتالعان 14 ورىن، الما-اراسان شاتقالىنىڭ اۋماعىندا -12 ورىن، «بۋتاكوۆكادا» 2 ورىن بار.