1 ماۋسىمنان باستاپ رەسپۋبليكا اۋماعىندا “قاراسورا” جەدەل-پروفيلاكتيكالىق ءىس-شاراسى وتكىزىلىپ جاتىر.
ول ەسىرتكىنى وسىرۋگە، دايىنداۋعا جانە وتكىزۋگە قارسى باعىتتالعان، دەپ حابارلايدى Almaty-akshamy.kz Polisia.kz-ك سىلتەمە جاساپ.
«ەكى ايدا پوليسەيلەر 678 ەسىرتكى قىلمىسىن انىقتادى، ونىڭ ىشىندە 299 وتكىزۋ فاكتىسى، اسا ءىرى مولشەردە ەسىرتكىنى ساقتاۋدىڭ 126 فاكتىسى، ەسىرتكىنى تۇتىنۋ ءۇشىن پريتوندى ۇستاۋدىڭ 2 فاكتىسى. زاڭسىز اينالىمنان 8،5 توننادان استام ەسىرتكى، ونىڭ ىشىندە 67 كگ گەروين، 1 توننا 175 كگ ماريحۋانا، 94 كگ گاشيش جانە 23،7 كگ سينتەتيكا تاركىلەندى»، - دەپ حابارلادى ءىىم ەسىرتكى قىلمىسىنا قارسى ءىس-قيمىل دەپارتامەنتى.
25 قاتىسۋشىدان قۇرالعان ءۇش ۇيىمداسقان قىلمىستىق توپتىڭ قىزمەتى جويىلدى، ولاردىڭ ەكەۋى – شەتەل ازاماتتارى. ولاردان سينتەتيكالىق ەسىرتكى وندىرۋگە ارنالعان 72 تونناعا جۋىق ءتۇرلى پرەكۋرسور، زەرتحانالىق جابدىقتار سالىنعان 7 قوراپ، 40 كگ ماريحۋانا جانە 4 كگ گاشيش تاركىلەندى. قىزىلوردا، جامبىل، تۇركىستان وبلىستارىندا جانە شىمكەنت قالاسىندا ارنايى وپەراسيا بارىسىندا قۇرامىندا ەسىرتكى بار وسىمدىكتەردى ءوسىرۋدىڭ 183 فاكتىسى انىقتالدى. قاراسورا پلانتاسيالارىن انىقتاۋ ءۇشىن ۇلتتىق ۇلاننىڭ تىكۇشاقتارى مەن قورعانىس مينيسترلىگىنىڭ دروندارى قولدانىلىپ جاتىر. ولاردىڭ كومەگىمەن 4 ەسىرتكى پلانتاسياسى انىقتالدى.
وندا قىلمىسكەرلەر قۇرامىندا تەتراگيدروكاننابينولدىڭ مولشەرى جوعارى ماريحۋانا جاسايتىن 8 مىڭعا جۋىق “ءۇندى قاراسوراسىنىڭ” بۇتالارىن وسىرگەن. ەلدىڭ سولتۇستىك ءوڭىرى دە باقىلاۋسىز قالمادى. پاۆلودار وبلىسىنىڭ پوليسەيلەرى 67 كگ گەروين مەن 10 كگ گاشيش كونترابانداسىنىڭ جولىن كەستى. ەسىرتكىنى شەتەل ازاماتى قاربىزعا جاسىرىپ وتپەك بولعان. 4 ەسىرتكى زەرتحاناسى انىقتالدى، 11 كۇدىكتى ۇستالدى، 2 توننا پرەكۋرسور جانە 22 كگ دايىن مەفەدرون تاركىلەندى. “قاراسورا” ارنايى وپەراسياسى جالعاسۋدا.