حاكىم اباي ءشاي ىشكەن ساماۋرىن ۇلتتىق مۋزەيگە تاپسىرىلدى

اقىن سەمەيگە ات باسىن تىرەگەن سايىن جەرگىلىكتى كاسىپكەر بەكباي بايىسوۆتىڭ ۇيىنە توقتاعان.

شاكارىم دە بىرنەشە مارتە بۇل ۇيدە بولعان. ەرتىستىڭ جاعاسىندا ورنالاسقان عيمارات كەيىن كوپىر سالىنعاندا سۇرىلگەن. سول كەزدە جەرگىلىكتى كوللەكسيونەر ايتقالي قىستاۋبايەۆ ءۇي اۋلاسىنان ساماۋرىن تاۋىپ الىپتى. قۇندى جادىگەردى رەستاۆراسيادان وتكىزىپ، 30 جىل بويى ساقتاعان، دەپ حابارلايدى Almaty-akshamy.kz 24.kz-كە سىلتەمە جاساپ.

مۋزەي باسپا ءسوز قىزمەتىنىڭ مالىمەتىنە سۇيەنسەك، ساماۋرىن 1893 جىلى تۋلادا شىققان. ونى بۇگىندە ومىردەن وتكەن كوللەكسيونەردىڭ ۇلى مۋزەيگە تاپسىرۋدى ۇيعارىپتى. ايتا كەتەيىك، قازىرگى تاڭدا مۋزەي قورىندا، اباي ومىرىنە قاتىستى 40-تان استام جادىگەر بار.

«وسى ۇيدە جاڭاعى اباي اتامىز بۇكىل وسى جاڭاعى اباي باعىتىنان كەلگەن ادامدارعا ەڭ ىڭعايلى وسى بايىسوۆتاردىڭ ۇيلەرى بولعان ەكەن. سول جەردە اباي اتامىز ورنالاسىپ، سول جەردە شاي ىشكەن. 40-شى جىلدارى ابايدىڭ ەڭ العاشقى مۇراجايى بولدى، اشىلدى. سودان بەرى جاڭاعى دانيار مولدابايەۆتىڭ ۇيىنە كوشىرگەن كەزدە سول ءۇي قاڭىراپ قالدى. اكەم سول جەردەن 2 ساماۋرىن تاپتى، سونىڭ جاڭاعى بىرەۋى – وسى»، - دەيدى اباي اتىنداعى حالىقارالىق مادەنيەت پەن ونەردى قولداۋ قورىنىڭ قۇرىلتايشىسى ەرمەك بەيسەمبايەۆ.