جوبا پوليسەيدىڭ ءپوزيتيۆتى وبرازىن قالىپتاستىرۋ جانە پوليسەي ماماندىعىنا دەگەن قىزىعۋشىلىقتى ارتتىرۋعا باعىتتالعان.
5-11 قىركۇيەك ارالىعىندا بالالار جىلى اياسىندا، سونداي-اق وتباسى كۇنىن مەرەكەلەۋ قارساڭىندا “مەنىڭ پوليسيام” اقپاراتتىق-يميدجدىك جوباسى وتەدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
جوبانىڭ شارتى بويىنشا بالا پوليسيادا قىزمەت ەتەتىن اتا-اناسىنىڭ جۇمىس ورنىنا كەلىپ، ءبىر كۇندىك جۇمىسىمەن تانىسادى. ماتەريالدا بالا پوليسيانىڭ ءبىر كۇندىك تىنىسىن، كوزبەن كورگەن قىزىقتى ساتتەرىن ءوز پايىمىمەن بايانداۋ قاجەت. اتالعان جوباعا مەكتەپ جاسىنداعى بالالارى بار (8-14 جاس ارالىعىندا) پوليسەيلەر وتباسى قاتىسا الادى. بەينەماتەريالدىڭ سەناريىن اۋماقتىق پد ءوز قالاۋلارى بويىنشا تۇرلەندىرىپ، ەركىن فورماتتا وتكىزۋىنە بولادى، حرونومەتراجى 1،5-2 مينۋتتان اسپاۋى ءتيىس. “مەنىڭ پوليسيام” اتتى بەينەماتەريالدار الەۋمەتتىك جەلىلەردە، رەسپۋبليكالىق جانە جەرگىلىكتى باق-تا جاريالاناتىن بولادى.