بۇل تۋرالى ق ر اقپارات جانە قوعامدىق دامۋ ءمينيسترى دارحان ءقىدىرالى ءمالىم ەتتى.
مينيستر «ۇركەر» شىعارماشىلىق بايقاۋىنىڭ ۇلكەن ءبىر اتالىمىنا احمەت بايتۇرسىن ۇلى اتاۋىن بەرۋ جوسپارلانىپ وتىرعانىن ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«احمەت بايتۇرسىن ۇلى جانە باسقا دا الاش ارداقتىلارىن ۇلىقتاۋدا مەملەكەت باسشىسىنىڭ باستاماسىمەن كوپتەگەن ىرگەلى ىستەر اتقارىلىپ جاتىر. بۇگىن احاڭنىڭ تۋعان ولكەسى قوستانايدا ۇلكەن توي ءوتۋ كەرەك ەدى. توتەنشە جاعداي بولىپ قالدى. قوستاناي حالقىنا سابىر تىلەيمىز»، - دەدى دارحان ءقىدىرالى ەلوردادا ءوتىپ جاتقان احمەت بايتۇرسىنۇلىنا ارنالعان حالىقارالىق كونفەرەنسيادا.
ءمينيستردىڭ ايتۋىنشا، بۇگىندە احمەت بايتۇرسىن ۇلىنىڭ مۇراسىنا ارنالعان عىلىمي تۋىندىلار جازىلىپ، دەرەكتى فيلم ءتۇسىرىلىپ جاتىر.
«بيىل وتەتىن «Astana Media Week» حالىقارالىق شاراسىندا احمەت بايتۇرسىنۇلىنا ارنالعان تاقىرىپ ۇيىمداستىرامىز. سول سياقتى «ۇركەر» شىعارماشىلىق بايقاۋىنىڭ ۇلكەن ءبىر اتالىمىنا احمەت بايتۇرسىن ۇلى اتاۋىن بەرۋ جوسپارلانىپ وتىر»، - دەيدى ول.