قازاقستان كومپيۋتەرلىك قىلمىستار تۋرالى كونۆەنسيانى راتيفيكاسيالايدى، دەپ حابارلايدى aqshamnews.kz
جوبانىڭ ماقساتى كومپيۋتەرلىك قىلمىستارعا قارسى ءىس-قيمىل جانە اقپاراتپەن جەدەل الماسۋ ءۇشىن كونۆەنسياعا قوسىلعان مەملەكەتتەرمەن ءوزارا حالىقارالىق ىنتىماقتاستىقتىڭ قۇقىقتىق نەگىزىن ازىرلەۋ.
كونۆەنسيامەن كومپيۋتەرلىك جۇيەلەر مەن جەلىلەردىڭ جانە كومپيۋتەرلىك دەرەكتەردىڭ قۇپيالىلىعىنا، تۇتاستىعىنا جانە قولجەتىمدىلىگىنە قارسى، سونداي-اق وسى كونۆەنسيادا سيپاتتالاتىن وسىنداي ىس-ارەكەتتەردىڭ قىلمىستىق جازالانۋىن قامتاماسىز ەتۋ جانە وسىنداي قىلمىستىق سيپاتتاعى قىلمىستارمەن ءتيىمدى كۇرەس جۇرگىزۋ ءۇشىن جەتكىلىكتى وكىلەتتىكتەر بەرۋ ارقىلى، مۇنداي قىلمىستىق سيپاتتاعى قىلمىستاردى انىقتاۋ مەن تەرگەۋگە جانە ولاردى مەملەكەتىشىلىك دەڭگەيدە دە، حالىقارالىق دەڭگەيدە دە جاساعانى ءۇشىن سوت قۋدالاۋىنا جاردەمدەسۋ جانە جەدەل ءارى سەنىمدى حالىقارالىق ىنتىماقتاستىققا قاتىستى ۋاعدالاستىقتاردى ازىرلەۋ ارقىلى وسىنداي جۇيەلەردى، جەلىلەردى جانە دەرەكتەردى تەرىس پايدالانۋعا قارسى باعىتتالعان ءىس-قيمىل كوزدەلگەن.
كونۆەنسيانى راتيفيكاسيالاۋ كومپيۋتەرلىك قىلمىستارعا قارسى ءىس-قيمىل سالاسىندا كونۆەنسياعا قاتىسۋشى مەملەكەتتەرمەن ءوزارا ىنتىماقتاستىق جاساسۋعا قۇقىقتىق نەگىزدى قۇرايدى جانە رەتتەيتىن سالادا ىنتىماقتاستىق مەحانيزمىن قۇرۋ مەن كومپيۋتەرلىك قىلمىستارمەن كۇرەسۋدىڭ تيىمدىلىگىن ارتتىرۋعا مۇمكىندىك بەرەدى.
مينيسترلىك اقپاراتىنشا، قازاقستان رەسپۋبليكاسى 2023 جىلعى 19 ساۋىردە ەۋروپا كەڭەسىنىڭ مينيسترلەر كوميتەتىمەن كومپيۋتەرلىك قىلمىستار تۋرالى كونۆەنسياسىنا قوسىلۋعا شاقىرىلدى.
قۇجات 11 شىلدەگە دەيىن جاريا تالقىلاۋ ءۇشىن "اشىق نقا" سايتىندا ورنالاستىرىلعان.