ءىىم جۇرگىزۋشىلەردىڭ ماساڭدىعىن تەكسەرۋدىڭ جاڭارتىلعان ەرەجەلەرىن ءتۇسىندىردى.
16 قىركۇيەكتەن باستاپ جۇرگىزۋشىلەردىڭ ماساڭدىعىن تەكسەرۋدىڭ ەرەجەلەرى جاڭارتىلدى، - دەپ حابارلايدى Aqshamnews.kz.
بۇل ەرەجەلەر اكىمشىلىك قۇقىق بۇزۋشىلىق كودەكسىنىڭ 796-بابى بويىنشا جۇرگىزىلەتىن اكىمشىلىك ءوندىرىستىڭ اياسىندا عانا قولدانىلادى. بۇل نورما باسقارۋ قۇقىعىنان ۋاقىتشا ايىرۋ جانە ماساڭ كۇيدە بولاتىن جۇرگىزۋشىلەردى عانا تەكسەرۋدى كوزدەيدى. سوندىقتان جاڭارتىلعان ەرەجەلەر تەك كولىك قۇرالىن باسقارۋشىلارعا قاتىستى. جاياۋ جۇرگىنشىلەر مەن جول ءجۇرىسىنىڭ باسقا قاتىسۋشىلارىنا جاڭا تالاپتار ەنگىزىلگەن جوق.
سونداي-اق پروسەدۋرانىڭ ءوزى بۇرىنعى قالپىندا قالىپ وتىر - تۇپكىلىكتى وزگەرىستەر جوق.
ءبىر عانا جاڭالىق - بەكىتىلگەن نىساننىڭ ءتۇرى: بۇرىن ەرەجەلەر ۇكىمەت قاۋلىسىمەن بەكىتىلگەن بولسا، ەندى ولار ءىىم بۇيرىعى ارقىلى بەكىتىلەدى. بۇل دەسەنتراليزاسيا جانە بيۋروكراتيادان قۇتىلۋ ساياساتىنىڭ اياسىندا جاسالدى، وسىلايشا مۇنداي قۇجاتتاردى قابىلداۋ ءتارتىبىن وڭايلاتۋعا مۇمكىندىك بەرەدى. سونىمەن قاتار جۇرگىزۋشى ارنايى قۇرالدارمەن، ماسەلەن الكوتەستەرمەن ماساڭدىق دارەجەسىن تەكسەرۋدەن باس تارتۋعا نەمەسە مەديسينالىق ۇيىمىندا تەكسەرۋدى جالعاستىرۋعا قۇقىلى ەكەنىن ەسكە سالامىز.
ءوز كەزەگىندە، ماساڭدىقتان تەكسەرۋدەن جالتارۋ نەمەسە باس تارتۋ ق ر اقبتك-نىڭ 613-بابىنىڭ 4-بولىگىندە كوزدەلگەن اكىمشىلىك ءىس جۇرگىزۋدى قوزعاۋ ءۇشىن نەگىز بولادى.