ىشكى ىستەر مينيسترلىگى اۋا رايىنىڭ ناشارلاۋى تۋرالى جۇرگىزۋشىلەرگە ەسكەرتەدى، – دەپ حابارلايدى almaty-akshamy.kz
رەسپۋبليكا اۋماعىندا سالقىنداۋ، جەلدىڭ كۇشەيۋى، تۇمان جانە جاۋىن-شاشىن كۇتىلەدى، جولداردا كوكتايعاق بولۋى مۇمكىن، بۇل تەجەۋ جولىنىڭ ۇلعايۋىنا اكەپ سوعادى.
ءىىم-نىڭ اۋماقتىق دەپارتامەنتتەرىنە اۋا رايىنىڭ وزگەرۋىن باقىلاۋدى ۇيىمداستىرۋ تاپسىرىلدى. كۇزگى-قىسقى كەزەڭنىڭ باستالۋىمەن كولىك جۇرگىزۋ الدەقايدا ءقاۋىپتى بولادى، جىلدىڭ وسى ۋاقىتىندا وتە مۇقيات بولۋ كەرەك.
جىلدامدىق رەجيمىن، سونداي-اق اۆتوموبيلدەر اراسىنداعى ءقاۋىپسىز قاشىقتىقتى ساقتاۋ ماڭىزدى، بۇل جولداعى كۇتپەگەن اپاتتىڭ الدىن الۋعا كومەكتەسەدى.
جولدارداعى قاۋىپسىزدىك ءۇشىن ءىىم اۋا رايىن ەسكەرە وتىرىپ، قاجەت بولعان جاعدايدا كولىكتىڭ باسقا ءتۇرىن پايدالانا وتىرىپ، اۆتوكولىكپەن ۇزاق ساپارلاردى الدىن الا جوسپارلاۋعا شاقىرادى.