حالىقتان قارۋدى ساتىپ الۋ بويىنشا اكسيانىڭ ءبىرىنشى كۇنىندە پوليسياعا 100-دەن استام قارۋ تاپسىرىلدى.
قوعامدىق قاۋىپسىزدىكتى قامتاماسىز ەتۋ دەڭگەيىن ارتتىرۋ ماقساتىندا ءىىم 25 ساۋىردەن باستاپ حالىقتا زاڭسىز ساقتالۋداعى اتىس قارۋىن، وق-دارىلەر مەن جارىلعىش زاتتاردى ساتىپ الۋ بويىنشا رەسپۋبليكالىق اكسيا وتكىزەدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
قارۋ-جاراق زاتتارىن ەرىكتى تۇردە تاپسىرعانى ءۇشىن رەسپۋبليكالىق بيۋدجەتتەن قارۋدىڭ ءار بىرلىگىنە ونىڭ تەحنيكالىق جاي-كۇيىنە بايلانىستى سوماسى 10-نان 100-گە دەيىنگى اەك كولەمىندە تولەم كوزدەلگەن. اكسيانىڭ العاشقى كۇنى پوليسياعا ەرىكتى تۇردە 109 اتىس قارۋى تاپسىرىلدى. سونىڭ ىشىندە 20 شولاق مىلتىق، 88 تەگىس ۇڭعىلى، ءبىر تراۆماتيكالىق جانە شولاق مىلتىققا ارنالعان 3،5 مىڭ ءوق-دارى تاپسىرىلدى. بارلىق قارۋ-جاراق تۇرلەرى ءىىم-نىڭ تىركەۋى نەگىزىندە تەكسەرىلىپ، كريمينالدىق ساراپتامالاردان وتكىزىلەدى. قارۋ-جاراق زاتتاردى قابىلداۋ ءاربىر اۋماقتىق پوليسيا ورگاندارىندا جۇرگىزىلەتىن بولادى.
«جاراقاتتانۋدىڭ الدىن الۋ ماقساتىندا تابىلعان جارىلعىش ماتەريالدارمەن جانە وق-دارىلەرمەن ەشقانداي ءىس-قيمىل جاساماۋدى، ەشبىر جاعدايدا ولاردى تاسىمالداۋعا تىرىسپاۋدى، بۇل تۋرالى كەز كەلگەن پوليسيا بولىمشەسىنە، ونىڭ ىشىندە 102 نومىرىنە نەمەسە 112 نومىرىنە تەلەفون ارقىلى حابارلاۋدى سۇرايمىز. ەرىكتى تۇردە تىركەلمەگەن اتىس قارۋى، وق-دارىلەردى جانە جارىلعىش زاتتاردى تاپسىرعان ادامدار قىلمىستىق جانە اكىمشىلىك جاۋاپكەرشىلىككە تارتىلۋدان بوساتىلادى»، – دەدى ۆەدومستۆودا.
ءىىم وتكىزىلەتىن اكسياعا تۇرعىنداردىڭ قولداۋ بىلدىرەتىنىنە جانە وعان بەلسەندى قاتىساتىنىنا سەنىم بىلدىرەدى.
انىقتاما: ىشكى ىستەر مينيسترلىگى 2008 جىلدان باستاپ حالىقتان زاڭسىز ساقتالعان قارۋ-جاراقتى ساتىپ الۋ بويىنشا 11 رەسپۋبليكالىق اكسيا وتكىزدى. بۇل ماقساتقا رەسپۋبليكالىق بيۋدجەتتەن قاجەتتى قارجى بولىنەدى. بارلىق اكسيالار بارىسىندا (2008، 2012-2015، 2016-2021) حالىق وتەۋلى نەگىزدە 54 مىڭنان استام اتىس قارۋى مەن ويىق ۇڭعىلى قارۋدىڭ 2 ملن. استام پاتروندارىن ءوز ەركىمەن تاپسىردى.