ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى الماتى، شىمكەنت قالالارىندا، سونداي-اق الماتى، بقو جانە تۇركىستان وبلىستارىندا الەۋمەتتىك وسال ازاماتتاردىڭ اتىنا اۆتونەسيە راسىمدەپ، كەيىن اۆتوكولىكتەردى شەتەلگە شىعارىپ وتىرعان قىلمىستىق توپتىڭ قىزمەتىن توقتاتتى.
انىقتالعانداي، كۇدىكتىلەر قىسىم كورسەتۋ جانە قورقىتۋ ارقىلى قورعانسىز ازاماتتاردى ءوز اتىنا اۆتونەسيە راسىمدەۋگە ماجبۇرلەگەن.
تولەم قابىلەتتىلىگى بار دەگەن جالعان كورسەتكىش قالىپتاستىرۋ ماقساتىندا كۇدىكتىلەر ازاماتتاردىڭ بانك شوتتارىن ۋاقىتشا تولىقتىرىپ، ولاردىڭ كرەديتتىك تاريحىن جاساندى تۇردە جاقسارتقان.
كۇدىكتىلەر جالعان قۇجاتتاردى پايدالانا وتىرىپ، اۆتوكولىكتەردى كەپىلگە قويىپ، ميكروقارجى ۇيىمدارىنان نەسيە العان. وسىدان سوڭ قىمبات اۆتوكولىكتەر شەتەلدە ساتىلعان.
قازىرگى ۋاقىتتا وسىنداي 15 دەرەك انىقتالىپ، وزگە دە ەپيزودتار بويىنشا جۇمىس جۇرگىزىلۋدە.
ءتىنتۋ ءىس-شارالارى بارىسىندا بىرنەشە بىرلىك اتىس جانە سۋىق قارۋ، وق-دارىلەر، سونداي-اق قىلمىستىق ارەكەتتەردى راستايتىن قۇجاتتار مەن اقپارات تاسىمالداعىشتار تاركىلەندى.
سوتقا دەيىنگى تەرگەپ-تەكسەرۋ بىرنەشە باپ بويىنشا جۇرگىزىلۋدە، نەگىزگى 6 كۇدىكتى قاماۋعا الىنىپ، ۋاقىتشا ۇستاۋ يزولياتورىنا قامالدى.