ءىىم بالىق شارۋاشىلىعى رەتىندە جاسىرىلعان ەسىرتكى بيزنەسىن جويدى
ءىىم ۇقك جانە پروكۋراتۋرامەن بىرلەسىپ، اسا ءىرى مولشەردە كاننابيس وسىرۋمەن اينالىسقان جاسىرىن ەسىرتكى زەرتحاناسىن انىقتاپ، كوزىن جويدى، – دەپ حابارلايدى aqshamnews.kz.
بالىق شارۋاشىلىعىنىڭ اتىن جامىلعان قىلمىستىق كاسىپ الماتى وبلىسىنىڭ بايكەن اۋىلىندا جۇزەگە اسىرىلعان. جەدەل-تەرگەۋ شارالارىنىڭ ناتيجەسىندە زاڭسىز اينالىمنان قۇرامىندا ەسىرتكى بار وسىمدىكتەردىڭ ءبىر جارىم مىڭنان استام بۇتاسى تاركىلەندى. ءۇش گەكتارلىق زاڭسىز جىلىجاي عيماراتتىڭ جەرتولەسىندە ورنالاسقان، وندا بالىق وندىرىلگەن.
ءتىنتۋ بارىسىندا 10 ملن تەڭگەدەن استام اقشا، جارىقتاندىرۋ اسپاپتارى، جىلۋ شامدارى، جىلىتۋ جانە جەلدەتۋ جۇيەلەرى، سۋارۋعا ارنالعان زاتتار جانە ەسىرتكى وسىرۋگە ارنالعان باسقا دا جابدىقتار تاركىلەندى. اتالعان فاكتى بويىنشا قىلمىستىق ءىس قوزعالدى. 18 ادام قۇرىقتالدى. ەسىرتكى ونىمدەرىن ودان ءارى جەتكىزۋ ارناسى انىقتالىپ جاتىر. ەستەرىڭىزگە سالا كەتەيىك، ءىىم جىل باسىنان بەرى 56 ەسىرتكى زەرتحاناسىن جويىپ، 23 توننادان استام ءتۇرلى ەسىرتكى تۇرلەرىن تاركىلەپ، زاڭسىز اينالىمعا جىبەرمەدى. بۇل باعىتتا جۇمىس جالعاسىپ جاتىر.