الماتىنىڭ قالا قۇرىلىسىن باقىلاۋ باسقارماسىنىڭ حابارلاۋىنشا، كۋريلسكايا كوشەسى، 11ء-ۇي بويىنداعى ەكى قاباتتى عيمارات زاڭسىز تۇرعىزىلعان، دەپ حابارلايدى aqshamnews.kz
بۇعان دەيىن Danil جك تۇرعىن ەمەس ءۇي-جايدىڭ مەنشىك يەسىنە قاتىستى جوسپاردان تىس تەكسەرۋ اياسىندا ورىن العان بۇزۋشىلىقتاردى جويۋعا نۇسقاما بەرە وتىرىپ، اكىمشىلىك شارالار قابىلدانعان بولاتىن.
نۇسقامانىڭ تالاپتارىن ورىنداماۋى سالدارىنان باسقارما وبەكتىنى بۇزۋ ءۇشىن مامانداندىرىلعان اۋدانارالىق ەكونوميكالىق سوتقا تالاپ ارىز بەردى.
2024 جىلعى 14 مامىردا باسقارمانىڭ تالاپ-ارىز تالاپتارى قاناعاتتاندىرىلدى. نىساندى بۇزۋ بۇگىن سوت ورىنداۋشىلارىنىڭ قاتىسۋىمەن باستالدى.
ەستەرىڭىزگە سالا كەتەيىك، الماتى اكىمى ەربولات دوسايەۆتىڭ قۇرىلىسقا باقىلاۋدى كۇشەيتۋ جونىندەگى تاپسىرماسى اياسىندا وتكەن جىلدىڭ باسىنان بەرى 51 زاڭسىز نىسان، ونىڭ ىشىندە «مەچتا»، «KHAN»، «الما گاردەن» تۇرعىن ءۇي كەشەندەرى جانە باسقالارى تولىعىمەن نەمەسە ءىشىنارا بۇزىلدى.