ءىىم الماتى اكادەمياسىنا جۇمىس ساپارىمەن گونكونگتىڭ پوليسيا كوللەدجى مەن گونكونگ پوليسيا باس باسقارماسىنىڭ وكىلدەرى كەلدى.
ساپاردىڭ باستى ماقساتى – ەكى ۆەدومستۆولىق جوعارى وقۋ ورىندارى اراسىندا ارىپتەستىك قارىم-قاتىناس ورناتۋ، تاجىريبە الماسۋ جانە بىرلەسكەن تاعىلىمدامالاردى ودان ءارى ۇيىمداستىرۋ جانە قۇقىق قورعاۋ ورگاندارى قىزمەتكەرلەرىنىڭ بىلىكتىلىگىن ارتتىرۋ پەرسپەكتيۆاسى بولدى، دەپ حابارلايدى aqshamnews.kz Polisia.kz-كە سىلتەمە جاساپ.
ساپار اياسىندا كەزدەسۋدىڭ رەسمي بولىگى ءوتتى، وندا ەكى تاراپ وزدەرىنىڭ وقۋ ورىندارىن تانىستىرىپ، ەرەكشەلىكتەرىنە، ءبىلىم بەرۋ ۇدەرىسىنە جانە وقىتۋعا دەگەن كوزقاراستارىنا ەرەكشە نازار اۋداردى. ماسەلەن، گونكونگ پوليسيا كوللەدجىنىڭ وكىلدەرى زاماناۋي تەحنولوگيالاردى قولدانۋعا نەگىزدەلگەن وقىتۋدىڭ بىرەگەي ادىستەمەسى تۋرالى ايتتى.
– گونكونگ پوليسياسى – الەمدەگى ەڭ ءىرى پوليسيا ۇيىمدارىنىڭ ءبىرى. ولاردىڭ ۆەدومستۆولىق وقۋ ورنىمەن ىنتىماقتاستىق وزىق تاجىريبەلەرمەن الماسۋعا، وقۋ باعدارلامالارىن جاقسارتۋعا جانە قۇقىق قورعاۋ ورگاندارى سالاسىندا كادرلار دايارلاۋ ساپاسىن ارتتىرۋعا ماڭىزدى قادام، – دەدى قازاقستان رەسپۋبليكاسى ءىىم ماقان ەسبولاتوۆ اتىنداعى الماتى اكادەمياسى باستىعىنىڭ مىندەتىن ۋاقىتشا اتقارۋشى جانات ءدىلبارحانوۆا.
سونىمەن قاتار شەتەلدىك جوعارى وقۋ ورنىنىڭ وكىلدەرى گونكونگتا كونستابلدەردى باستاپقى بازالىق دايارلاۋدى جانە گونكونگ پوليسيا ينسپەكتورلارىن وقىتۋدى جۇرگىزەتىن مەكتەپتەر مەن كوللەدجدەر جۇمىس ىستەيتىنىن اتاپ ءوتتى.
– ءبىزدىڭ وقۋ ورىندارىمىزدىڭ اراسىندا كوپتەگەن ۇقساستىق بار جانە بۇل ىنتىماقتاستىق جاڭا بىرلەسكەن جوبالارعا اكەلەدى دەپ ۇمىتتەنەمىز. سىزدەردىڭ ەلدەرىڭىزگە بارىپ، قازاقستانمەن بەرىك بايلانىس ورناتۋ ءبىز ءۇشىن ۇلكەن مارتەبە. ءبىزدىڭ ىنتىماقتاستىعىمىز ەكى ەلدىڭ قۇقىق قورعاۋ ورگاندارىن دامىتۋعا ءوز پايداسىن بەرەدى دەپ ۇمىتتەنەمىز، – دەپ اتاپ ءوتتى دەلەگاسيا وكىلى Choi Tung-Tsoi، Louis.
ساپار بارىسىندا قابىلداۋشى تاراپ دەلەگاسيا قاتىسۋشىلارىن ءىىم الماتى اكادەمياسىنىڭ ءبىلىم بەرۋ پروسەسى مەن ينفراقۇرىلىمىنىڭ بىرەگەي اسپەكتىلەرىمەن تانىستىردى. وسىلايشا، قوناقتارعا اسكەري جانە تاكتيكالىق-ارنايى دايارلىق، دەنە شىنىقتىرۋ دايارلىعى كافەدراسىندا ساباقتار، كيبەرپوليگوننىڭ مۇمكىندىكتەرى، سونداي-اق الماتى قالاسى پوليسيا دەپارتامەنتىنىڭ كينولوگيالىق قىزمەتى مەن جەدەل ارەكەت ەتۋ ارنايى جاساعىنىڭ كورسەتىلىمى كورسەتىلدى. سونىمەن قاتار دەلەگاسيا ناۋرىزباي اۋدانى پوليسيا باسقارماسىنىڭ پوليسيا سەرۆيستىك ورتالىعىنا باردى.