الماتى وبلىسىنىڭ پوليسەيلەرى زاڭسىز اڭ اۋلاۋ فاكتىسى بويىنشا قىلمىستىق ءىس قوزعادى.
وقيعانىڭ ءمان-جايىن مۇقيات زەرتتەۋگە مۇمكىندىك بەرەتىن بارلىق قاجەتتى ساراپتامالىق تەكسەرۋلەر تاعايىندالدى. ۇستالعاندار زاڭ اياسىندا ۋاقىتشا ۇستاۋ يزولياتورىنا قامالدى، دەپ حابارلايدى aqshamnews.kz Polisia.kz-كە-كە سىلتەمە جاساپ.
قازىرگى ۋاقىتتا قىلمىستىڭ بارلىق ءمان-جايىن انىقتاۋ ءۇشىن قوسىمشا تەرگەۋ جۇرگىزىلىپ جاتىر.
ايتا كەتسەك، 26 قىركۇيەك كۇنى ساعات 08:30-دا بالقاش اۋداندىق پوليسيا ءبولىمىنىڭ قىزمەتكەرلەرى الماتى وبلىسى پد جپقب جانە “وحوتزووپروم” رمقك بىرلەسىپ جەدەل-ىزدەستىرۋ ءىس-شارالارىن وتكىزدى، ناتيجەسىندە بىرلىك اۋىلىنىڭ ماڭىنداعى قونايەۆ – باقاناس – قاراوي اۆتوجولىندا ۋاز اۆتوكولىگىن باسقارعان جەتىسۋ وبلىسىنىڭ 58 جاستاعى تۇرعىنى ۇستالدى.
كولىك قۇرالىن تەكسەرۋ كەزىندە اۆتوكولىكتىڭ سالونىنان تىركەلگەن ويىق ۇڭعىلى جانە تەگىس ۇڭعىلى اڭشىلىق مىلتىق، سونداي-اق بولجام بويىنشا قىزىل كىتاپقا ەنگەن قاراقۇيرىق جانۋارىنىڭ ۇشاسى تابىلىپ، تاركىلەندى. سونىمەن قاتار كولىكتە ءۇش جولاۋشى بولعان. انىقتاۋ بارىسىندا ولاردىڭ اڭ اۋلاۋعا ليسەنزياسى بولماعان.