اكادەميادا ءبىلىم الۋدان ۇمىتكەرلەر 4 كەزەڭدىك ىرىكتەۋدەن ءوتتى.
جۋىردا قازاقستان رەسپۋبليكاسى ءىىم ماقان ەسبولاتوۆ اتىنداعى الماتى اكادەمياسىندا جوعارى وقۋ ورنىنان كەيىنگى ءبىلىم بەرۋ باعدارلامالارىنا سايكەس ۇمىتكەرلەردى ىرىكتەۋ مەن تاعايىنداۋ بويىنشا قابىلداۋ كوميسسياسىنىڭ قورىتىندى وتىرىسى ءوتتى، دەپ حابارلايدى Almaty-akshamy.kz ءىىم رەسمي سايتىنا سىلتەمە جاساپ.
ۆەدومستۆولىق جوعارعى وقۋ ورىندارىندا سىبايلاس جەمقورلىق تاۋەكەلدەرىن بولدىرماۋ ماقساتىندا قابىلداۋ ەمتيحاندارىنا الماتى قالاسى قوعامدىق كەڭەسىنىڭ، قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىنىڭ الماتى قالاسى بويىنشا دەپارتامەنتىنىڭ جانە الماتى قالاسى پد وزىندىك قاۋىپسىزدىك باسقارماسىنىڭ وكىلدەرى قاتىستى.
سونداي-اق، ىشكى ىستەر ورگاندارىنىڭ ارداگەرلەرى دە باقىلاۋشى رەتىندە قاتىسىپ، اكادەميالىق ادالدىق قاعيداتتارىنىڭ ساقتالۋىنا ات سالىستى. قابىلداۋ كوميسسياسىنىڭ قورىتىندى وتىرىسىنا ءىىم كادر ساياساتى دەپارتامەنتى ۆەدومستۆولىق ءبىلىم بەرۋدى ۇيىمداستىرۋ باسقارماسىنىڭ قىزمەتكەرلەرى ZOOM پلاتفورماسى ارقىلى قوسىلدى.
ءتورت كەزەڭنەن تۇراتىن قاتاڭ ىرىكتەۋ بارىسىندا ۇمىتكەرلەردىڭ ۆەدومستۆولىق عىلىمعا قوسقان ۇلەسى، سپورت سالاسىنداعى جەتىستىكتەرى مەن قىزمەتتىك مىنەزدەمەلەرى ەسكەرىلدى. ناتيجەسىندە دوكتورانتۋراعا 10 ادام، عىلىمي-پەداگوگيكالىق ماگيستراتۋراعا 15، بەيىندى ماگيستراتۋراعا 10 ماگيسترانت قابىلداندى.