مالىمدەمە ۇيىمنىڭ رەسمي سايتىندا پايدا بولدى.
ۇيىم حالىقارالىق تەرگەۋ توبىنا باقىلاۋشى رەتىندە يكاو ساراپشىسىن تاعايىنداپ، تەرگەۋدى قولداۋعا دايىن، دەپ حابارلايدى aqshamnews.kz
ۇيىم حالىقارالىق ازاماتتىق اۆياسيا تۋرالى كونۆەنسيانىڭ (چيكاگو كونۆەنسياسى) 13ء-شى قوسىمشاسىنا سايكەس يكاو-عا مۇشە مەملەكەتتەردى جان-جاقتى جانە تاۋەلسىز تەرگەۋ جۇرگىزۋدى قولداۋ ءۇشىن بىر-بىرىمەن تولىق ىنتىماقتاسۋعا شاقىرادى.
«حالىقارالىق ازاماتتىق اۆياسيا ستاندارتتارى بارلىق زارداپ شەككەن مەملەكەتتەردى شاقىرا وتىرىپ، تاۋەلسىز تەرگەۋ جۇرگىزۋدى تالاپ ەتەدى. تەرگەۋشىلەرگە اپات تۋرالى بارلىق ءتيىستى اقپاراتتى بەرىپ، وسى قايعىلى جاعدايعا سەبەپ بولۋى نەمەسە ىقپال ەتۋى مۇمكىن فاكتىلەر مەن كەز كەلگەن ىقتيمال فاكتورلار تۋرالى ەسەپ بەرۋ تاپسىرىلدى. سونداي-اق ولارعا قورىتىندى ناتيجەسىندە قاۋىپسىزدىكتى جاقسارتۋ بويىنشا ءتيىستى شارالاردى ۇسىنۋ ۇسىنىلادى»، - دەلىنگەن مالىمدەمەدە.
ۇيىم بارلىق مۇددەلى مەملەكەتتەر مەن قىزمەت كورسەتۋشىلەردى تەرگەۋ پروسەسىمەن تولىق ىنتىماقتاستىق شەڭبەرىندە بارلىق ءتيىستى اقپارات پەن جازبالاردى قورعاۋعا شاقىرادى. تەرگەۋگە قاتىسۋعا قۇقىعى بار ەلدەر – وپەراتور مەملەكەتى، اۋە كەمەسىن تىركەيتىن مەملەكەت، ونى قۇراستىرۋشى جانە دايىنداۋشى مەملەكەت (ۇشاقتار مەن قوزعالتقىشتار)، سونداي-اق ءوز ازاماتتارىنا ءولىم نەمەسە اۋىر جاراقات العان مەملەكەتتەر.
«13ء-شى قوسىمشادا كوزدەلگەن تەرگەۋ كەلەشەكتە اپاتتاردىڭ الدىن الۋ ماقساتىندا، قاۋىپسىزدىك جونىندەگى دەرەكتەر مەن اقپاراتتى جيناۋ جانە تالداۋ ارقىلى جۇرگىزىلەدى. كونۆەنسياعا سايكەس، اپاتتان كەيىن 30 كۇن ىشىندە الدىن-الا ەسەپ، ال 12 اي ىشىندە قورىتىندى ەسەپ بەرۋ ۇسىنىلادى. يكاو-نىڭ قولداۋشى ءرولى وسىنداي قايعىلى وقيعالاردىڭ الدىن الۋ ءۇشىن وسى اپاتقا ىقپال ەتەتىن بارلىق ىقتيمال فاكتورلاردى زەرتتەيتىن مۇقيات تەرگەۋدى جۇرگىزۋگە كومەكتەسەدى»، - دەلىنگەن مالىمدەمەدە.