ەڭبەك جانە حالىقتى الەۋمەتتىك قورعاۋ ۆيسە-مينيسترى ولجاس انافين 2023 جانە 2024 جىلدارى قازاقستاندىقتاردىڭ ءومىر ءسۇرۋ جاعدايى جاقسارعانى تۋرالى ايتتى.
52 مىڭ قازاقستاندىق كەدەيلىك شەگىنەن شىقتى، دەپ حابارلايدى aqshamnews.kz.
ولجاس ءانافيننىڭ ايتۋىنشا، از قامتىلعان وتباسىلارعا كەشەندى قولداۋ كورسەتۋ شارالارىنىڭ ناتيجەسىندە 2023 جىلى وتكەن جىلى ااك العانداردىڭ اراسىنان 54 مىڭ ادام مۇقتاجدىق شەگىنەن شىققان.
"بيىل كەدەيلىكتەن شىققاندار سانى 52،5 مىڭ ادام بولدى"، – دەدى انافين وكق-دا وتكەن بريفينگتە.
سونداي-اق، ول الەۋمەتتىك كەلىسىمشارتتى ەنگىزۋدىڭ ارقاسىندا ەڭبەككە قابىلەتتى 16 مىڭ الەۋمەتتىك كومەك الۋشى جۇمىسپەن قامتۋدىڭ بەلسەندى شارالارىنا تارتىلعانىن اتاپ ءوتتى.
"سونىمەن قاتار، جۇمىسپەن قامتۋ شارالارىنىڭ باسىم بولىگىن تۇراقتى جۇمىس ورىندارى قۇرايتىنىن اتاپ وتكەن ءجون. ەسەپتى كەزەڭدە 11،2 مىڭ ادام نەمەسە 70 پايىزى تۇراقتى جۇمىس ورىندارىنا جۇمىسقا ورنالاستىرىلدى. 3،5 مىڭ ادامعا نەمەسە 22 پايىزىنا ۋاقىتشا جۇمىسقا ورنالاسۋ شارالارى كورسەتىلدى، سونىڭ ىشىندە: 2،8 مىڭ ادام قوعامدىق جۇمىس ورىندارىنا، 500 ادام الەۋمەتتىك جۇمىس ورىندارىنا ورنالاستىرىلدى، 204 ادام جاستار تاجىريبەسىنە جىبەرىلدى"، – دەدى سپيكەر.