قازاقستاندا ەنەرگەتيكا ماسەلەسى جىلدان جىلعا وزەكتى بولا تۇسۋدە. قازىرگى ۋاقىتتا ەلىمىزدىڭ ەلەكتر ەنەرگياسىنا دەگەن سۇرانىسى تۇراقتى تۇردە ارتىپ كەلەدى.
اەس سالۋ – قازاقستان ءۇشىن ستراتەگيالىق تۇرعىدان دۇرىس قادام بولماق، سەبەبى بۇل ەنەرگەتيكالىق تاۋەلسىزدىككە قول جەتكىزۋگە، سونداي-اق، ەكونوميكالىق دامۋعا جول اشۋعا سەپتىگىن تيگىزەدى. سونىمەن قاتار، اەس ەكولوگيالىق جاعىنان دا ءتيىمدى ەنەرگيا كوزى بولىپ تابىلادى، ويتكەنى پارنيكتىك گازداردىڭ شىعارىندىلارى ازايادى.
اەس قۇرىلىسى بارىسىندا قاۋىپسىزدىك ماسەلەسى اسا ماڭىزدى بولىپ سانالادى. قازىرگى زامانعى اتوم ەلەكتر ستانسيالارى كوپدەڭگەيلى قاۋىپسىزدىك جۇيەلەرىمەن جابدىقتالعان جانە حالىقارالىق ستاندارتتارعا تولىق ساي كەلەدى. اەس قاۋىپسىزدىگى حالىقارالىق تالاپتارعا، اتاپ ايتقاندا، ماگاتە-نىڭ (اتوم ەنەرگياسى جونىندەگى حالىقارالىق اگەنتتىك) ستاندارتتارىنا سايكەس قاتاڭ باقىلاۋدا بولادى.
اتوم ەنەرگەتيكاسىن دامىتۋ ماسەلەسى ەلىمىزدە تەك قانا ەلەكتر قۋاتىن وندىرۋمەن شەكتەلمەيدى. بۇل جوباعا ارنايى مامانداردى دايىنداۋ قاجەت. قازاقستاندا وسى سالادا جوعارى بىلىكتى مامانداردى دايارلاۋعا ارنالعان عىلىمي بازالار مەن وقۋ ورىندارى بار. سونىڭ ءبىرى — يادرولىق فيزيكا ينستيتۋتى، ول عىلىمي-زەرتتەۋ جۇمىستارىن جۇرگىزىپ قانا قويماي، بولاشاق مامانداردى دايارلاۋدا جەتەكشى ءرول اتقارادى.
اتوم ەنەرگەتيكاسى سالاسىندا جۇمىس ىستەۋ ءۇشىن تەك تەوريالىق ءبىلىم عانا ەمەس، تاجىريبە دە اسا ماڭىزدى. وسىعان وراي، ەلىمىزدە يادرولىق فيزيكا بويىنشا مامانداردى دايارلاۋ ۇدەرىسى قايتا قارالىپ، حالىقارالىق ستاندارتتارعا ساي ءبىلىم بەرۋ باعدارلامالارى ازىرلەنىپ جاتىر. قازاقستاننىڭ بىرەگەي عىلىمي-زەرتتەۋ ورتالىقتارى مەن تاجىريبەلى كادرلار دايىندالۋدا، سونىمەن قاتار شەتەلدىك وقۋ ورىندارىمەن تىعىز بايلانىس ورناتىلىپ، ىنتىماقتاستىق كەڭەيۋدە.
اەس سالاسى تەحنولوگيالىق تۇرعىدان وتە كۇردەلى بولعاندىقتان، بىلىكتى كادرلار قاجەت. قازىرگى ۋاقىتتا قازاقستاندا جوعارى وقۋ ورىندارى مەن عىلىمي ورتالىقتار اتوم ەنەرگەتيكاسى ماماندارىن دايارلاۋعا ۇلكەن كوڭىل بولۋدە. اسىرەسە، يادرولىق فيزيكا مەن ينجەنەريا سالاسىنداعى ماماندارعا سۇرانىس ارتىپ كەلەدى. بۇل باعىتتا قازاقستاندىق ستۋدەنتتەر شەتەلدىك وقۋ ورىندارىندا دا ءبىلىم الۋدا، ولار الەمدىك دەڭگەيدەگى زاماناۋي تاجىريبەلەردى مەڭگەرىپ، ەلگە ورالادى دەپ سەنەمىز.