Huawei كومپانياسى ءوزىنىڭ تاريحى تۋرالى جازىلعان العاشقى كىتابىن قازاق تىلىنە اۋداردى. بۇل قادام تەحنيكالىق ءبىلىم الام دەۋشى قازاق ءتىلدى وقىرماندار ءۇشىن تاعى ءبىر مۇمكىندىك، دەپ حابارلايدى aqshamnews.kz.
كىتاپتىڭ تانىستىرىلىمىنا قازاقستان رەسپۋبليكاسىنىڭ ءبىلىم جانە عىلىم مينيسترلىگىنىڭ وكىلدەرى، مادەنيەتتانۋشىلار مەن جۋرناليستەر قاتىستى.
"قازاق تىلىنە اۋدارۋ — بۇل ءبىزدىڭ وتاندىق تىلدە تەحنولوگيالار تۋرالى ادەبيەتتى دامىتۋعا قوسقان ۇلەسىمىز. ءبىز بۇل كىتاپتىڭ جاس IT ماماندارىن شابىتتاندىرىپ، ولارعا جاڭا يدەيالار مەن مۇمكىندىكتەر ۇسىناتىنىنا سەنەمىز"، — دەپ اتاپ ءوتتى Huawei Kazakhstan وكىلى شا نا.
كومپانيا قازاقستاندا جوبالاردى ودان ءارى دامىتۋعا نيەتتى ەكەنىن جانە زاماناۋي تەحنولوگيالاردىڭ ءار ادامعا تۇسىنىكتى ءارى جاقىن بولۋىن قامتاماسىز ەتۋگە ۇمتىلاتىنىن مالىمدەدى.