ازاماتتارعا حالىققا قىزمەت كورسەتۋ ورتالىعىنىڭ قىزمەتكەرىن ۇيگە شاقىرۋعا مۇمكىندىك بەرەتىن جاڭا سەرۆيس ىسكە قوسىلدى. بەلگىلەنگەن ۋاقىتتا مامان كورسەتىلگەن مەكەنجاي بويىنشا كەلىپ، مەملەكەتتىك قىزمەتتى كورسەتە الادى. مەنەدجەردىڭ مۇنداي قىزمەتتى كورسەتكەنى ءۇشىن 7 190 تەڭگە تولەۋىڭىز ءتيىس، دەپ حابارلايدى aqshamnews.kz.
حقكو-دان تىس جەردە مەنەدجەرلەر ءتولقۇجات، جەكە كۋالىك، جۇرگىزۋشى كۋالىگىن الۋ جانە كولىك قۇرالدارىن تىركەۋ جونىندەگى قىزمەتتەردى قوسپاعاندا مەملەكەتتىك قىزمەت ءتۇرىنىڭ كەز كەلگەنىن كورسەتە الادى.
پيلوتتىق جوبا قازاقستاننىڭ بارلىق وڭىرىندە ىسكە قوسىلدى. سەرۆيستى پايدالانۋ ءۇشىن مەملەكەتتىك كورپوراسيانىڭ رەسمي سايتىندا «جەكە مەنەدجەردى ۇيگە شاقىرۋ» باتىرماسىن باسىپ، قاجەتتى مالىمەتتەردى تولتىرۋ قاجەت.
سونداي-اق وتىنىمدەردى 1414 ءبىرىڭعاي بايلانىس ورتالىعى ارقىلى دا بەرۋگە بولادى. «ازاماتتارعا ارنالعان ۇكىمەت» ماماندارى مالىمەتتەردى ناقتىلاۋ ماقساتىندا جانە مەنەدجەردىڭ كەلۋ ۋاقىتىن بەلگىلەۋ ءۇشىن قىزمەت الۋشىمەن بايلانىسقا شىعادى.
- مەملەكەتتىك كورپوراسيا تۇراقتى تۇردە سەرۆيستەردى جەتىلدىرۋ ءۇشىن جۇمىس جۇرگىزىپ جاتىر. بۇعان دەيىن ءبىز جەكە مەنەدجەرلەر ارقىلى حقكو-دا باسىم كەزەك ارقىلى قىزمەت الۋ مۇمكىندىگىن ىسكە اسىرعان ەدىك. ەندى حالىققا قىزمەت كورسەتۋ ورتالىقتارىنىڭ ماماندارىن ۇيگە شاقىرتىپ، قىزمەتتى ۇيدەن شىقپاي-اق الۋعا بولادى. بۇل ۋاقىت ۇنەمدەگىسى كەلەتىن ازاماتتار ءۇشىن وتە ىڭعايلى سەرۆيس، - دەدى «ازاماتتارعا ارنالعان ۇكىمەت» باسقارما ءتوراعاسى ارمان كەنجەعالييەۆ.