حقكو مەرەكە كۇندەرى جۇمىس ىستەي مە؟

19 جەلتوقساننان باستاپ مەملەكەتتىك كورپوراسيا ادەتتەگىدەي جۇمىس ىستەيدى.

تاۋەلسىزدىك مەرەكەسىندە ەلىمىزدەگى حقكو مەن مامانداندىرىلعان حقكو-لاردىڭ  قالاي جۇمىس ىستەيتىنى بەلگىلى بولدى، دەپ حابارلايدى Almaty-akshamy.kz

«ازاماتتارعا ارنالعان ۇكىمەتتىڭ» باسپا ءسوز قىزمەتى حابارلاعانداي، حالىققا قىزمەت كورسەتۋ ورتالىقتارى مەن مامانداندىرىلعان حالىققا قىزمەت كورسەتۋ ورتالىقتارى سەنبى كۇنى دەمالادى.

«تاۋەلسىزدىك مەرەكەسىنە وراي مەملەكەتتىك كورپوراسيالار سەنبى، ياعني 16 جەلتوقساندا جۇمىس ىستەمەيدى. دۇيسەنبى، 18 جەلتوقساندا، ساعات 13.00-گە دەيىن تەك كەزەكشى قىزمەت كورسەتۋ ورتالىقتارى مەن ارنايى قىزمەت كورسەتۋ ورتالىقتارى ازاماتتاردى قابىلدايدى»، - دەلىنگەن حابارلامادا.

سەيسەنبى، ياعني 19 جەلتوقساننان باستاپ مەملەكەتتىك كورپوراسيا ادەتتەگىدەي جۇمىس ىستەيدى.

«ازاماتتارعا ارنالعان ۇكىمەت» ورتالىقتارى جۇمىس كۇندەرى ساعات 9.00-دەن 18.00-گە دەيىن ازاماتتاردى قابىلدايتىنىن ەسكە سالدى.

كەزەكشىلىك قىزمەت كورسەتۋ ورتالىقتارى دۇيسەنبىدەن جۇماعا دەيىن ساعات 9.00-دەن 20.00-گە دەيىن جانە سەنبى كۇنى 9.00-دەن 13.00-گە دەيىن جۇمىس ىستەيدى.