وڭتۇستىك استانانىڭ ارنايى حقكو باسشىسىنىڭ ورىنباسارى الاياقتىق بويىنشا كۇدىككە ىلىكتى، دەپ حابارلايدى اlmaty-akshamy.kz.
الماتى قالاسى بويىنشا سىبايلاس جەمقورلىققا قارسى قىزمەت «ازاماتتارعا ارنالعان ۇكىمەت» مەملەكەتتىك كورپوراسياسى» كەاق فيليالى №1 مامانداندىرىلعان ءبولىمى باسشىسىنىڭ حالىققا قىزمەت كورسەتۋ جونىندەگى ورىنباسارىنا قاتىستى سوتقا دەيىنگى تەرگەۋ جۇرگىزۋدە.
ول قۇجاتتاردى كەدەرگىسىز قابىلداۋ جانە جۇرگىزۋشى كۋالىكتەرىن الۋ ءۇشىن اۆتومەكتەپ كۋرسانتتارىن ەمتيحان تاپسىرۋعا جىبەرۋ سىلتاۋىمەن جەرگىلىكتى كاسىپكەردەن 930 مىڭ تەڭگە سوماسىندا الاياقتىق جولمەن اقشا قاراجاتىن يەمدەندى دەپ كۇدىكتەلۋدە. تەرگەۋ جالعاسۋدا.
قىلمىستىق-پروسەستىك كودەكسىنىڭ 201-بابىنا سايكەس وزگە اقپارات جاريا ەتۋگە جاتپايدى.
كونستيتۋسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروسەستىك كودەكسىنىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى.