بۇگىن شايبالى حوككەيدەن ەلىمىزدىڭ ايەلدەر كومانداسى وڭتۇستىك كورەيادان باسىم ءتۇسىپ، حاربين قالاسىندا ءوتىپ جاتقان IX قىسقى ازيا ويىندارىنىڭ كۇمىس جۇلدەسىنە قول جەتكىزدى. شەشۋشى ماچتىڭ ەسەبى: 3-0، دەپ حابارلايدى aqshamnews.kz.
ءبىرىنشى كەزەڭدە سان باسىمدىعىن ءتيىمدى پايدالانىپ شابۋىلشىمىز، كاپيتاننىڭ ءبىرى ماليكا الدابەرگەنوۆا ەسەپ اشتى. ال شەشۋشى اينالىمنىڭ باسىندا يۋليا بۋتورينا جويقىن سوققىمەن ەسەپتى ەسەلەدى. تاعى ءبىر شايبانىڭ اۆتورى - داريا مولداباي.
جالپى قازاقستان وسى باسەكەدە قىتايدىڭ گونكونگ (12-0)، تايلاند (9-0)، قىتايدىڭ تايپەيى (5-1)، جۇڭگو (2-1)، وڭتۇستىك كورەيا (1-0) كومانداسىن ۇتىپ، تەك جاپونياعا (0-4) جول بەردى.
بۇل - حوككەيدەن ايەلدەر قۇراماسىنىڭ ازيا ويىندارىنداعى 7ء-شى جۇلدەسى (3 التىن، 3 قولا) جانە سونىڭ ىشىندەگى العاشقى كۇمىس مەدالى.
تاعى ءبىر قىزىق جايت، قازاقستان قۇراماسى تاريحىنداعى ەڭ ءىرى جەڭىس وسى وڭتۇستىك كورەيامەن بايلانىستى. 2003 جىلعى اق ازيادادا ءبىزدىڭ حوككەيشىلەر بۇگىنگى قارسىلاستىڭ قاقپاسىنا جاۋاپسىز 19 شايبا سالعان.
حوككەي: قازاقستان ايەلدەر قۇراماسى حاربين-2025 ويىندارىنىڭ كۇمىس جۇلدەگەرى اتاندى
- اۆتور aqshamnews.kz
- 12:25، 14 اقپان 2025
سۋرەت: سالي سابيروۆ