استانادا وتكەن ح رەسپۋبليكالىق اكەلەر فورۋمىندا «ءححى عاسىر اكەسى: ارەكەتكە شاقىرۋ» دەكلاراسياسى قابىلداندى.
قۇجاتتا اكەنىڭ بالا ومىرىنە بەلسەندى ارالاسۋى قاجەت ەكەنى كورسەتىلگەن، دەپ حابارلايدى aqshamnews.kz.
ياعني بالانى تاربيەلەۋگە، ءبىلىم بەرۋگە جانە دامىتۋعا بىرلەسە كومەك كورسەتەتىن، زورلىق-زومبىلىقسىز ورتانىڭ قالىپتاسۋىنا ىقپال ەتەتىن، ءوزىنىڭ پسيحيكالىق جانە فيزيكالىق دەنساۋلىعىن كۇتەتىن، ۇيدەگى مىندەتتەر مەن تۇرمىستىق جاۋاپكەرشىلىكتى بولىسەتىن ادام.
جالپى فورۋمعا 200-گە جۋىق دەلەگات قاتىسىپ، مەملەكەت باسشىسى ۇلتتىق قۇرىلتايدا ايقىنداپ بەرگەن باعىتتاردى تالقىلادى.
ايبەك سىدىقوۆ، مادەنيەت جانە اقپارات ۆيسە-مينيسترى:
اكەلەر ينستيتۋتىن قولداۋ ماقساتىندا جىل سايىن 7 مىڭنان استام ءىس-شارا وتكىزىلەدى. بيىل دا اكەلەر كۇنى قارساڭىندا اكەلەر مەن بالالاردىڭ بىرلەسە دەمالىستى ۇيىمداستىرۋعا باعىتتالعان اۋقىمدى شارالار، سپورتتىق تۋرنيرلەر، تاقىرىپتىق كونسەرتتەر، تەاتر قويىلىمدارى وتكىزىلۋدە.
چينۆە وگبوننا، يۋنفپا-نىڭ قازاقستانداعى وكىلى:
ءبىز قازاقستانمەن 10 جىلدان بەرى سەرىكتەستىك ورناتىپ، بىرلەسە جۇمىس ىستەپ كەلەمىز. ورتالىق ازيادا «اكە قانداي بولۋ كەرەك؟» دەگەن تاقىرىپتا ۇلكەن زەرتتەۋ جۇمىسىن وتكىزدىك. ناتيجەسىندە ءبىراز ەر ازامات بيىلدان باستاپ ءۇيدىڭ جۇمىسىنا، بالا كۇتىمىنە بەلسەندى تۇردە كومەكتەسە باستاپتى. دەمەك ءبىزدىڭ اتقارار جۇمىسىمىز ءالى كوپ.