بۇگىن سپورتشىلار قالاشىعىندا ءحححى دۇنيەجۇزىلىك جازعى ستۋدەنتتىك ويىنداردىڭ مەملەكەتتىك تۋ كوتەرۋ ءراسىمى ءوتتى.
بايراقتى باسەكەگە ەلىمىزدىڭ اتىنان قاتىساتىن سپورتشىلارعا عىلىم جانە جوعارى ءبىلىم ءمينيسترى ساياسات نۇربەك ارنايى بەينە ۇندەۋ جولداپ، قولداۋ كورسەتتى، دەپ حابارلايدى Almaty-akshamy.kz.
«ءبىلىمدى، تاربيەلى ءارى دەنى ساۋ ۇرپاق – مەملەكەتتىڭ ەڭ قىمبات بايلىعى، اسىل قازىناسى. جاستارىمىزدىڭ ءبىلىم الۋمەن قاتار، ولاردىڭ سپورتپەن شۇعىلدانۋىنا قولايلى جاعداي جاساۋ – ءبىزدىڭ مينيسترلىكتىڭ باستى مىندەتتەرىنىڭ ءبىرى. تالانتتى ستۋدەنتتەرىمىزدى رەسپۋبليكالىق جانە حالىقارالىق دەڭگەيدەگى بايراقتى باسەكەلەرگە قاتىسۋعا بارلىق مۇمكىندىكتەر قاراستىرىلىپ كەلەدى»، – دەدى مينيستر.
سونداي-اق، ۆەدومستۆو باسشىسى سپورتتاعى ساتتىلىك تەك ەڭبەكپەن جانە قاجىرلى كۇش-جىگەرمەن كەلەتىنىن اتاپ ءوتىپ، جارىسقا قاتىسۋشىلار بايراقتى باسەكەدە ەلىمىزدىڭ داڭقىن شىعاراتىنىنا سەنىم ءبىلدىردى.
ايتا كەتەيىك، 27 شىلدەدە قىتايدىڭ سىچۋان پروۆينسياسىنىڭ چەندۋ قالاسىندا XXXI دۇنيەجۇزىلىك جازعى ستۋدەنتتىك ويىندار باستالدى. سپورتتىق شارا 8 تامىزعا دەيىن جالعاسادى. سايىستا ەل قۇراماسىنداعى 93 ستۋدەنت سپورتتىڭ 11 ءتۇرى بويىنشا ب ا ق سىناماق.
ۋنيۆەرسياداعا قازاقستاندىق دەلەگاسيانى عىلىم جانە جوعارى ءبىلىم ۆيسە-مينيسترى تالعات ەشەنقۇلوۆ باستاپ باردى.