ەگيپەتتە پيراميدانىڭ ۇستىندە سەرۋەندەپ جۇرگەن ءۇش يت ۆيدەوعا ءتۇسىپ قالدى.
بۇعان دەيىن 14 قازاندا پاراپلانەريست الەكس لەنگ ءوزىنىڭ اۋەدەن تۇسىرگەن ۆيدەوسىندا حەوپس پيراميداسىنىڭ باسىندا ءبىر ءيتتىڭ قۇستارعا ءۇرىپ جۇرگەنىن بايقاعان بولاتىن.
ايتا كەتەيىك، الەمنىڭ كەرەمەتى سانالاتىن بۇل پيراميدانىڭ بيىكتىگى 139 مەتردى قۇرايدى. پيراميدانىڭ ۇستىنە ءيتتىڭ قالاي شىققانى جۇمباق بولعان.
كەيىننەن ءيتتىڭ ءوز ەركىمەن پيراميدانىڭ ۇستىنەن تۇسكەن ۆيدەوسى جاريالاندى.
ەندى ارادا ەكى اپتا وتكەن سوڭ، سول يت ۇيالاستارىن ەرتىپ كەلگەندەي اسەر قالدىردى. ءۇش ءيتتىڭ ۆيدەوسى X الەۋمەتتىك جەلىسىندە جاريالانىپ، كوپشىلىكتىڭ نازارىن اۋداردى.