بۇل جولعى باعىت-باعداردىڭ ءمانىن پرەزيدەنتىمىز اmanat پارتياسىنىڭ كەزەكتەن تىس ءححىىى سەزىندە سويلەگەن سوزىندە بىلايشا تياناقتادى: «جاڭا قازاقستان دەگەنىمىز – شىن مانىندە ادىلەتتى قازاقستان». بۇل تۋرالى مەملەكەت باسشىسى حالىققا ارناعان جولداۋىندا دا بىرنەشە رەت اتاپ كورسەتكەن.
ادىلەتتى قازاقستان. قىسقا دا نۇسقا، تاماشا انىقتاما! جەمقورلارعا، زاڭدى بەلدەن باسۋشىلارعا ۇناي قويماس، ال مەن ءۇشىن كوكتەن ىزدەگەنىم جەردەن تابىلعانداي بولدى. «ادىلەتتى» ءسوزىنىڭ بىرنەشە ءسينونيمى بار: «ءادىلەت»، «ادىلەتتىلىك»، «ادىلدىك». ءبارىنىڭ ءتۇبىرى ءبىر ءسوز – ءادىل. وسىناۋ ءسوزءدى كەزىندە حاكىم اباي دا مولىنان قولدانعان ەكەن. ءادىل جان تەنتەكتى دە تىياتىنىن، دۇشپانىنا دا قيانات جاسامايتىنىن ولەڭمەن ورنەكتەپتى. اباي «ادىلەتتى» ءسوزىن بىردە حاقتىڭ جولى دەپ بىلسە، كەلەسىدە ەرلىك ماعىناسىندا قولدانادى. مۇنداعى حاق – قۇداي، ال ەرلىك دەگەنى، عۇلامانىڭ سوزىمەن ايتساق، «ادىلەتتى اقىل مويىنداعان ءنارسەنى، قيىن دا بولسا مويىنداۋ».
ءيا، بۇگىنگى قازاقستان ءۇشىن الەممەن باسەكەلەسۋدەن بۇرىن، حاق جولىنا ءتۇسۋ ماڭىزدىراق بولىپ تۇر. «ۇرلىق ءتۇبى – قورلىق»، «وتىرىكءتىڭ ارتى ءبىر تۇتام» ەكەنىنە كوزىمىز ابدەن جەتتى. وتىرىك پەن ۇرلىق ءبىر جىل، ەكى جىل ەمەس، ونداعان جىل بويى قوعامىمىزدى وبىرداي جەگەن ەكەن. ەندى، مىنە، تۇڭعىش پرەزيدەنتتىڭ مارتەبەسىنە، كونستيتۋسياعا قاتىستى ماسەلەلەردى قالاي شەشەرىمىزدى بىلمەي وتىرعان جايىمىز بار.
«كىم – كىمدى؟» سۇراعىمەن بەتپە-بەت كەلدىك. مۇندايدا باتىل دا باستاماشىلدىقپەن قيمىلداعاندار عانا جەڭىسكە جەتەدى. قاڭتارداعى بۇلىك تۇسىندا ق.توقايەۆ قالاي ەرەن باتىرلىق كورسەتسە، ەندى ءبۇگىن ودان ون ەسە ءىرى ەرلىك پەن قاھارماندىق كەرەك. جارتىكەش شەءشىم مەن ارەكەت جارعا سوقتىرادى. تاۋەلسىزدىك دۇشپاندارىنىڭ كۇتكەءنى دە سول. قولى تازا، اقىل-ويى سەرگەك ءارى جاۋجۇرەك جىگىتتەردى جۇمىلدىرعاننان باسقا جول جوق.
ادىلەتتى قازاقستاندى ادال دا ءادىل جاندار عانا قۇرا الادى. ءادىلەت سالتانات قۇرعانىنا كوزى جەتكەن ساتتەن حالىقتىڭ جاسامپاز بۇلا كۇشى سىرتقا شىعادى. بيلىك سول قۇلشىنىسقا ساي بولسا، الەمدىك باسەكە بيىگىنەن كورىنەرىمىز ءسوزسىز. حالىق پەن بيلىك جانە زيالى قاۋىمنىڭ ادىلدىككە قۇرىلعان وداعىنا ەشقانداي قارا نيەتتى كۇش قارسى تۇرا المايدى.