10 مەتر قاشىقتىقتان قوزعالىستاعى نىسانانى ءدال كوزدەۋدە باحتيار يبرايەۆ، اندرەي حۋدياكوۆ پەن اسادبەك نازيركۋليايەۆ ۇزدىكتەر قاتارىنان كورىندى.
كوماندالىق ەسەپتە وڭتۇستىك كورەيا ەلىنىڭ سپورتشىلارىنا ەسە جىبەرىپ، كۇمىس مەدالدى مىسە تۇتتى. ال يندونەزيا ەلىنىڭ مەرگەندەرى قولاعا قاناعات ەتتى، دەپ حابارلايدى Almaty-akshamy.kz.
بۇل قازاقستان قۇراماسى قورجىنىنا تۇسكەن ەكىنشى كۇمىس مەدال. بۇعان دەيىن دزيۋدوشى ءابيبا ءابۋجاقىنوۆا ەكىنشى ورىن العان بولاتىن.
ايتا كەتەيىك، ازىرگە سپورتشىلارىمىز بارلىعى جەتى جۇلدە يەلەندى. دزيۋدوشىلار ماعجان شامشادين، ابىلايحان جۇبانازار، ەسميگۇل كۋيلوۆا، سونداي-اق مەرگەندەر نيكيتا چيريۋكين جانە ارالاس كوماندالار اراسىنداعى باسەكەدە الەكساندرا لە مەن يسلام ساتبايەۆپەن بىرگە جەڭىس تۇعىرىنىڭ ءۇشىنشى ساتىسىنا كوتەرىلدى.