ەلىمىزدە 2 ملن جۇمىس ورنى اشىلادى.
2025 جىلعا دەيىن حالىقتىڭ تابىسىن ارتتىرۋ باعدارلاماسىنا 197 ملرد تەڭگە جۇمسالادى. بۇل تۋرالى ق ر پرەمەر-مينيسترىنىڭ ورىنباسارى ەرالى توعجانوۆ ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«بارلىعى بەلگىلەنگەن. 2025 جىلعا دەيىن حالىقتىڭ تابىسىن ارتتىرۋ باعدارلاماسىنا 197 ملرد تەڭگە باعىتتالعان»، - دەدى ۇكىمەت باسشىسىنىڭ ورىنباسارى «2025 جىلعا دەيىن حالىقتىڭ تابىسىن ارتتىرۋ باعدارلاماسى» كەشەندى جوسپارىن جۇزەگە اسىرۋ جونىندەگى كەڭەس بارىسىندا ب ا ق وكىلدەرىنىڭ ساۋالىنا وراي.
ايتا كەتەيىك، وسى جىلدىڭ ناۋرىز ايىندا ەل ۇكىمەتى قابىلداعان 2025 جىلعا دەيىن حالىقتىڭ تابىسىن ارتتىرۋ باعدارلاماسى اياسىندا ەڭبەك جانە حالىقتى الەۋمەتتىك قورعاۋ مينيسترلىگى جاڭا جۇمىس ورىندارىن قۇرۋ، حالىقتى جۇمىسپەن قامتۋعا جاردەمدەسۋ، ەڭبەك رەسۋرستارىنىڭ داعدىلارىن جەتىلدىرۋ جانە جاستاردى كاسىپتىك باعدارلاۋ بويىنشا 3 نەگىزگى باعىتتا جۇمىس جۇرگىزەدى. مەجەلى جىلعا دەيىن ەلىمىزدە 2 ملن جۇمىس ورنى اشىلادى.