«حالىقتىڭ بيۋدجەتكە قاتىسۋ» جوباسى اياسىندا تۇركسىب اۋدانىندا قانداي ءىس اتقارىلاتىنىن بەلگىلى بولدى

تۇركسىب اۋدانى بويىنشا 28 جوبا ىرىكتەپ الىنعان.

ۇستىمىزدەگى جىلى «حالىقتىڭ بيۋدجەتكە قاتىسۋ» جوباسىنا 800 ملن تەڭگە ءبولىندى. بۇل تۋرالى قالا اكىمى ەربولات دوسايەۆ الماتىداعى تۇركسىب اۋدانىنىڭ تۇرعىندارىمەن كەزدەسۋ بارىسىندا ايتتى، دەپ حابارلايدى Almaty-akshamy.kz. 

«تۇرعىنداردىڭ ۇسىنىستارى بويىنشا 28 جوبا ىرىكتەپ الىندى. ونىڭ ىشىندەگى ءىرى نىساندار – سەيفۋللين مەن رىسقۇلوۆ داڭعىلدارىنىڭ قيىلىسىنداعى كىرەبەرىستى اباتتاندىرۋ، اقكەربەز كوشەسىندەگى جاعالاۋ ايماعىن رەكونسترۋكسيالاۋ، مايلين كوشەسى، 54 مەكەنجايىنداعى سكۆەردى ۇزارتۋ. جۇمىستار وسى جىلدىڭ سوڭىنا دەيىن اياقتالادى. بيىل «اسپان» پاركىن اباتتاندىرۋ، ماياك توعايىن كۇردەلى جوندەۋ، سىرتقى جارىق جەلىلەرىن، ورىندىقتاردى، Work out الاڭدارىن ورناتۋ جوسپارلانعان»، - دەدى ەربولات دوسايەۆ. 

اكىمنىڭ ايتۋىنشا،قالا تۇرعىندارىنىڭ دەمالىس ورىندارىنا ەركىن بارۋىنا جاعداي جاساۋ ماقساتىندا جىلدىڭ باسىندا

«التاي-1» شاعىناۋدانىندا جاياۋ-سەرۋەندەۋ ايماعى سالىندى، 2022 جىلدىڭ سوڭىنا دەيىن مولداعالييەۆ كوشەسىندە تاعى ءبىر سەرۋەندەۋ ايماعىن قۇرۋ جوسپارلانعان.