ىشكى ىستەر ءمينيسترى مىندەتىن اتقارۋشىنىڭ بۇيرىعىمەن حالىقتى تىركەۋدىڭ جاڭا ەرەجەسى بەكىتىلدى، دەپ حابارلايدى aqshamnews.kz.
قۇجاتقا سايكەس، ىشكى ىستەر ورگاندارى ەلىمىزدىڭ ازاماتتارىن، شەتەلدىكتەردى جانە ازاماتتىعى جوق تۇلعالاردى تۇرعىلىق جەرى جانە ۋاقىتشا كەلگەن ورنى بويىنشا تىركەۋگە الادى.
قازاقستاننىڭ 14 جاستان اسقان ازاماتتارى وكىلەتتى ورگان نەمەسە ەلەكتروندى ۇكىمەت ۆەب-پورتالى ارقىلى، ال تۇراقتى تۇرۋعا رۇقساتى بار شەتەلدىكتەر نەمەسە ازاماتتىعى جوق تۇلعالار وكىلەتتى ورگاندار ارقىلى تۇرعىلىقتى جەرىنە تىركەلەدى.
بەلىگى ءبىر جەرگە ۋاقىتشا كەلگەن ازاماتتار كەلگەن ساتتەن باستاپ 10 كۇننىڭ ىشىندە تىركەۋگە تۇرۋى ءتيىس. بۇل رەتتە جەكە باسىن كۋالاندىراتىن قۇجات، باسپانا يەسىنىڭ كەلىسىمى مەن تىركەۋگە قۇقىعىن راستاۋى كەرەك.
تىركەۋ باسپانا يەسىنىڭ جازباشا نەمەسە سيفرلىق قولتاۋعا ارقىلى كۋالاندىرۋى ارقىل ەلەكتروندى تۇردە جۇزەگە اسىرىلادى.
وكىلەتتى ورگان تىركەۋ قۇقىعىن راستاۋ ءۇشىن باسپانا يەسىنىڭ دەرەكتەرىن اقپاراتتىق جۇيەلەردەن تەكسەرەدى.
ازاماتتار تۇرعىن ۇيلەرگە، پاتەرگە، ساياجايلارعا، جاتاقحانالارعا، قوناق ۇيلەرگە، دەمالىس ۇيلەرىنە، شيپاجايلارعا، ەمدەۋ مەكەمەلەرى مەن وزگە دە تۇرعىنجاي ورىندارىنا تىركەلەگە الادى.
ەلدىڭ ىشىندە قونىس اۋدارعان نەمەسە شەتەلدەن كەلگەن قازاقستان ازاماتتارى، قازاقستاندا تۇراقتى تۇراتىن شەتەلدىكتەر مەن ازاماتتىعى جوق تۇلعالار، بوسقىن مارتەبەسىن العان ادامدار تىركەلۋى قاجەت.