شەتەلدىك اۆتوكولىكتەردى زاڭداستىرۋ جۇمىستارى 2023 جىلدىڭ 1 شىلدەسىنە دەيىن جالعاسادى
ەلىمىزدە شەتەلدىك اۆتوكولىكتەردى زاڭداستىرۋعا وراي مامانداندىرىلعان حالىققا قىزمەت كورسەتۋ ورتالىقتارىنىڭ جۇمىس كەستەسى وزگەردى، دەپ حابارلايدى Almaty-akshamy.kz.
23 قاڭتاردا ەلىمىزدە شەتەلدىك اۆتوكولىكتەردى زاڭداستىرۋ باستالدى. وسىعان وراي، مەملەكەتتىك كورپوراسيا قىزمەت كورسەتۋدى جاقسارتۋ ماقساتىندا محقو-لاردىڭ جۇمىس كەستەسىن وزگەرتۋ تۋرالى شەشىم قابىلدادى.
«ازاماتتارعا ارنالعان ۇكىمەت» مەملەكەتتىك كورپوراسياسى الماتى قالاسى فيليالىنان حابارلاعانداي، اۆتوكولىكتەردى زاڭداستىرۋ بويىنشا مەملەكەتتىك قىزمەت كورسەتەتىن محقو-لار دۇيسەنبى جانە سەنبى كۇندەرى ارالىعىندا ساعات 9:00-دەن باستاپ 20:00-گە دەيىن جۇمىس ىستەيدى. وسى جۇمىس كەستەسى بويىنشا ورتالىقتار كەلۋشىلەردى 2023 جىلدىڭ 6 اقپانىنا دەيىن قابىلدايدى.
الماتى قالاسىندا اۆتوكولىكتەردى زاڭداستىرۋ ءۇشىن ازاماتتاردى قابىلدايتىن محقو-لاردىڭ مەكەنجايى:
الماتى قالاسىنىڭ № 1 مامانداندىرىلعان حقو - "سايالى" ش/ا، اققاينار كوشەسى، 1
الماتى قالاسىنىڭ № 2 مامانداندىرىلعان حقو – مايلين كوشەسى، 85
الماتى قالاسىنىڭ № 5 مامانداندىرىلعان حقو – قۇلجا داڭعىلى، 9ك
الماتى قالاسىنىڭ № 6 مامانداندىرىلعان حقو – "كەمەل" ش/ا.، اقسۋات كوشەسى، 118
ايتا كەتەيىك، شەتەلدىك اۆتوكولىكتەردى زاڭداستىرۋ جۇمىستارى 2023 جىلدىڭ 1 شىلدەسىنە دەيىن جالعاسادى.