سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگىنىڭ ينفورماسيالىق قاۋىپسىزدىك كوميتەتىنىڭ ءتوراعاسى رۋسلان ابديكاليكوۆ ەلىمىزدە حالىققا قىزمەت كورسەتۋ ورتالىقتارىنىڭ تولىق جابىلۋى تۋرالى تاراعان اقپاراتتى جوققا شىعاردى، دەپ حابارلايدى aqshamnews.kz
ونىڭ ايتۋىنشا، حقكو-دى جابۋدىڭ ەشقانداي قاجەتتىلىگى جوق. ازاماتتار كورىپ وتىرعان حقكو جۇمىسىن تەك «فرونت-وفيس» دەپ اتاۋعا بولادى، ياعني بۇل ازاماتتاردىڭ حقكو-عا بارىپ، قىزمەتكەرلەرمەن تىكەلەي قارىم-قاتىناس جاسايتىن بولىمدەر. الايدا حقكو – بۇل تەك قىزمەت كورسەتۋ زالدارى عانا ەمەس. مۇندا كوپشىلىك كورمەيتىن، كۇندەلىكتى اكىمشىلىك جۇمىستاردى اتقاراتىن قىزمەتكەرلەر دە بار.
«بانكتەردە نەمەسە باسقا دا ونلاين سەرۆيستەردە كەيبىر مەملەكەتتىك قىزمەتتەر قولجەتىمدى بولعانىمەن، بۇل حقكو-لاردىڭ قاجەتتىلىگىن جويۋ دەگەندى بىلدىرمەيدى. بانكتەر وزدەرىنىڭ كليەنتتەرىنىڭ دەرەكتەرىمەن عانا جۇمىس ىستەيدى، ال ەلىمىزدە 20-دان استام بانك بار. ەگەر مەملەكەتتىك دەرەكتەردىڭ ءبىرتۇتاس قويماسى بولماسا، بانكتىك قوسىمشالاردى پايدالانۋ ازاماتتار ءۇشىن ىڭعايسىز بولادى»، – دەدى رۋسلان ابديكاليكوۆ.
ول سونداي-اق، حقكو-تاردى جابۋ جونىندەگى باستاما قازىرگى ۋاقىتتا قاراستىرىلىپ جاتقان جوق ەكەنىن اتاپ ءوتتى.