مەملەكەت باسشىسى قاسىم-جومارت توقايەۆ 2025 جىلدى جۇمىسشى ماماندىقتارى جىلى دەپ جاريالادى. وسى ۋاقىت ىشىندە تەحنيكالىق جانە كاسىبي ءبىلىم بەرۋ جۇيەسىن رەفورمالاۋ قاجەت. سونداي-اق ءبىز جۇمىسشى ماماندىقتارىن دارىپتەۋ ارقىلى قوعامدا ەڭبەكقور جانە ناعىز مامان بولۋ يدەياسىن ناسيحاتتايمىز.
ادال ءارى تاباندى ەڭبەگىمەن تابىسقا جەتكەن ادامدار قاشاندا قۇرمەتتى، سىيلى بولۋى كەرەك. بۇل ءبىز ۇسىنىپ وتىرعان «ادال ازامات – ادال ەڭبەك – ادال تابىس» قاعيداتىنا تولىق ساي كەلەدى. ءبىر سوزبەن ايتقاندا، ءبىزدىڭ قوعامدا ەڭبەكقورلىق، كاسىبيلىك سياقتى قاسيەتتەر وتە جوعارى باعالانۋعا ءتيىس. ءوز كاسىبىن جەتىك مەڭگەرگەن ماماندار ۇلت ساپاسىن ارتتىرادى، وسى ورايدا الماتى قالاسىنىڭ ءبىلىم باسقارماسى مەن الماتى قالاسىنىڭ اكىمدىگىنىڭ قولداۋىمەن الماتى ەلەكترمەحانيكالىق كوللەدجى ارنايى ءپان وقىتۋشىلارى مەن شەبەرلەرى بولىپ 2024 جىلدىڭ 19 قازان 21 جەلتوقسان ارالىعىندا شەتەلدىك تاعىلىمدامادان وتتىك.
تاعىلىمدامانىڭ ماقساتى كاسىپتىك تەحنيكالىق ءبىلىم بەرۋ سالاسىنداعى وقىتۋشىلاردىڭ كاسىبي دەڭگەيىن كوتەرۋ، بىلىمگەرلەرگە ءبىلىم بەرۋ ساپاسىن جاقسارتۋ بارىسىندا قاجەتتى ماتەريالدار جيناقتاۋ، سونداي اق ءبىلىم بەرۋ باعدارلاماسىنىڭ ءبىلىم بەرۋ كومپونەنتىنىڭ ءبىر بولىگىن ازىرلەۋ ماقساتىندا ۇيىمداستىرىلعان. تاعىلىمداما باعدارلاماسىنا سەمينارلار، ەكسكۋرسيالار، كاسىپورىندارعا بارۋ، سونداي-اق ەۋروپانىڭ تەحنيكالىق كوللەدجدەرىنە بارۋ كىردى.
بۇل ءىس-ساپار بارىسىندا ۆەنگريا مەملەكەتىنىڭ استاناسى بۋداپەشت قالاسىنان باستادىق، بۇل قالادا دجون فون نەيمان ۋنيۆەرسيتەتىنىڭ ءبىلىم بەرۋ جۇيەسىمەن جانە GAMF(ينفورماتيكا جانە ينجەنەريا) فاكۋلتەتىنە بارىپ ABB روباتتارىمەن تانىستىق، جانە ۆەنگريا مەملەكەتىنىڭ كەچكەمەت اۋدانىندا ورنالاسقان كۇن پانەلدەرى ارقىلى ەنەرگيا الىپ وتىرعان كەشەنگە بارىپ، كۇن پانەلدەرى تۋرالى اقپارات الىپ قايتتىق،بۇدان بولەك سlass Global HR SU جانە Linamar اتتى ءوندىرىس ورىندارىنا بارىپ ۇلكەن تاجىربيە الدىق، ەكىنشى ساپارىمىز سلوۆەنيا مەملەكەتىنىڭ ليۋبليانا قالاسىنىڭ تەحنيكو-مەحانيكالىق كوللەدجىنە بارىپ زد لاباراتوريالار جانە رابوتتارمەن جۇمىس جاساپ ۇيرەندىك. كوللەدج ءوز جەتىستىكتەرى مەن وزدەرىنىڭ ءبىلىم بەرۋ باعدارلامالارىمەن ءبولىستى.
وقىتۋشى مەن شەبەرلەردىڭ قۇرامىنىڭ بىلىكتىلىگىن كوتەرۋگە باعىتتالعان بۇل ءىس-شارا وتاندىق تەحنيكالىق ورتا ءبىلىمدى عىلىمدى دامىتۋعا قاتىستى جاڭا يدەيالاردىڭ قالىپتاسۋىنا جانە وي تۇجىرىمدار جاساۋعا نەگىز بولدى.
تاجىريبە قورىتىندىسى بويىنشا تەوريالىق بىلىمدەرىمىزدى سارالاپ، پراكتيكالىق داعدىلاردى مەڭگەرەدىك. وسىنىڭ بارلىعى باسەكەگە قابىلەتتى مامانداردى دايىنداۋعا ىقپال ەتەدى. ەۋروپا ەلدەرىنەن تاعىلىمدامادان ءوتىپ، وزىمىزگە ءبىلىم سالاسىنا كەرەكتى ومىرلىك ازىق جيناقتادىق. الماتى قالاسىنىڭ ءبىلىم باسقارماسى مەن الماتى قالاسىنىڭ اكىمدىگىنە شەت ەلگە بارىپ ءبىلىمىمىزدى شىڭداۋعا مۇمكىندىك بەرگەنى ءۇشىن العىسىمىزدى بىلدىرەمىز!
وندىرىستىك وقىتۋ شەبەرى
نالجان ءمولدىر نۇرعانات قىزى