الماتىداعى سايلاۋ بارىسىنا حالىقارالىق باقىلاۋشى رەتىندە كەلگەن استراحان وبلىسىنىڭ (رف) گۋبەرناتور اكىمشىلىگىنىڭ ىشكى ساياسات باسقارماسى باسشىسىنىڭ ءبىرىنشى ورىنباسارى اندرەي سىزرانوۆ ءوز باعاسىن بەردى.
ساراپشى سايلاۋ ناۋقانى بارىسىندا الماتى قالاسىنىڭ جەتىدەن استام ۋچاسكەسىندە بولعانىن اتاپ ءوتتى جانە ول جەرلەردە ەشقانداي زاڭ بۇزۋشىلىقتار انىقتالمادى، دەپ حابارلايدى Almaty-akshamy.kz.
«سايلاۋ ءالى دە جالعاسۋدا. سايلاۋ كەرەمەت ءوتىپ جاتىر. سايلاۋدا جۇمىس ىستەيتىندەردىڭ وڭ كوزقاراسىن اتاپ وتكىم كەلەدى. بۇگىن اۋا رايى دا جاقسى بولعانىنا قۋانىشتىمىن. حالىقتىڭ ىقىلاسى جاقسى، باقىلاۋشىلار ارتىق قيمىلسىز ءوز جۇمىستارىن كاسىبي تۇردە ورىنداپ جاتىر»، - دەپ تولىقتىردى سپيكەر.
سپيكەر ەكى ەلدىڭ دە سايلاۋ بارىسى ۇقساس ەكەنىن جانە ايتارلىقتاي وزگەشەلىكتەر بايقاماعانىن ايتتى. حالىقارالىق ساراپشىلار ءوز ميسسياسىن باقىلاۋشىلار رەتىندە الماتى قالاسىنىڭ سايلاۋ ۋچاسكەلەرىندە جالعاستىرۋدا.