ول ەلگە اكەلىنىپ، قاماۋعا الىندى.
52 جاستاعى كۇدىكتىگە ەسىرتكى قىلمىسى ءۇشىن ىزدەۋ جاريالانعان، دەپ حابارلايدى Almaty-akshamy.kz
ەسىرتكىنى ءىرى مولشەردە ساتۋ ماقساتىندا زاڭسىز وسىرگەنى جانە ساقتاعانى ءۇشىن ىزدەۋدە جۇرگەن كۇدىكتىنى ق ر ءىىم ينتەرپول ۇقو-نىڭ سۇراۋى بويىنشا تۇركيا اۋماعىندا ۇستاعان.
وعان قاتىستى باتىس قازاقستان وبلىسىنىڭ پوليسيا دەپارتامەنتى تۇتقىنداۋ جانە ەكستراديسيالاۋ ماقساتىندا حالىقارالىق ىزدەستىرۋ جاريالاعان بولاتىن.
كۇدىكتى جالپى سالماعى 18 كەلى بولاتىن ماريحۋانانىڭ 96 بۇتاسىن وسىرگەنى، سونداي-اق ولاردى ورال قالاسىنىڭ اۋماعىندا ودان ءارى وتكىزۋ ماقساتىندا ساقتاعانى ءۇشىن ىزدەستىرىلدى.
تۇركيا بيلىگى قۇقىق بۇزۋشىنى استاناعا جەتكىزۋ جۇمىستارىن ۇيىمداستىردى. ول ەلگە جەتكىزىلىپ، قاماۋعا الىندى.