77 جاستاعى گۇلجاحان جامبىلوۆا ۋنيۆەرسيتەتكە بارىپ، اعىلشىن ءتىلىن ۇيرەنىپ ءجۇر، - دەپ حابارلايدى اlmaty-akshamy.kz "قازاقستان" تەلەارناسىنا سىلتەمە جاساپ.
ءومىر بويى ۇستازدىق ەتكەن زەينەتكەر قازاق، ورىس تىلدەرىنەن بولەك، نەمىس جانە فرانسۋز تىلدەرىن بىلەدى. اعىلشىن ءتىلىن ۇيرەنىپ، نەمەرەلەرىمەن الەم ارالاعىسى كەلەتىن اجە سيفرلىق ساۋاتتىلىق بويىنشا كۋرس اياقتاپ ۇلگەرگەن.
"قايناعان ءومىردىڭ ىشىندە بولۋ ءۇشىن وسى كۋرستارعا جازىلدىم. نەمەرەلەرىممەن قارىم-قاتىناستى ساقتاۋ ءۇشىن، كارىلىككە بوي الدىرماۋ ءۇشىن اعىلشىن ءتىلىن ۇيرەنىپ ءجۇرمىن. ەۋروپاعا، امەريكاعا بارىپ، وزگە ادامدارمەن سويلەسكىم كەلەدى"، - دەيدى پوليگلوت اجە.
جەلى قولدانۋشىلارى بىرنەشە ءتىل بىلەتىن اجەگە ءسۇيسىنىپ، پىكىر قالدىرعان.
"ادەمى قارتايعان اجە ەكەن"، "زور دەنساۋلىق سىزگە، ارمانىزگا جەتىپ قىدىرىپ كەلىڭىز"، "اپا دامي بەرىڭىز، شەت ەل ارالاپ ەل كورىڭىز"، - دەپ جازعان ولار.