ۇلتتىق قۇندىلىقتارىمىزدى دارىپتەپ، الەم جۇرتشىلىعىنا تانىتۋ باعىتىندا الماتى قالاسى ناۋرىزباي اۋدانىنداعى №176 مەكتەپ-گيمنازيادا حالىقارالىق عىلىمي-تاجىريبەلىك سەمينار وتكىزىلدى.
سەمينار جۇمىسىنىڭ وتكىزىلۋىنە تىكەلەي قولداۋ كورسەتۋشى الماتى قالاسى ءبىلىم باسقارماسى، الماتى قالاسى ءبىلىم باسقارماسىنىڭ «قالالىق ءبىلىم بەرۋدەگى جاڭا تەحنولوگيالاردىڭ عىلىمي-ادىستەمەلىك ورتالىعى» مەن ناۋرىزباي اۋدانى ءبىلىم ءبولىمى.
حالىقارالىق سەمينار جۇمىسىنا 550 قولونەر شەبەرلەرى مەن كوركەم ەڭبەك ءپانىنىڭ ۇستازدارى قاتىسۋعا ءوتىنىش بىلدىرگەن. ونىڭ ىشىندە رەسپۋبليكانىڭ 19 قالاسىنان ونلاين تۇردە قوسىلىپ، سەمينار جۇمىسىن تاماشالادى. سونىمەن قاتار، تۇركيا رەسپۋبليكاسى، وزبەكستان رەسپۋبليكاسى جانە قىرعىز رەسپۋبليكاسىنىڭ جوعارى وقۋ ورىندارى وقىتۋشىلارى ونلاين تۇردە ءوز باياندامالارىن ۇسىندى.
حالىقارالىق سەمينار كەلەسى ماسەلەلەر بويىنشا جۇمىس جۇرگىزدى:
ەڭبەككە بالۋ [ۇلتتىق قولونەر]. مەكتەپتەگى ەڭبەككە باۋلۋ ءپانى بويىنشا وقۋشىلاردى ۇلتتىق كاسىپكە باۋلۋ، ولاردى ەڭبەكقور ەتىپ تاربيەلەۋدە ماڭىزدى دەپ ەسەپتەيمىز. ۇلتتىق مادەني قۇندىلىقتارعا باۋلۋ ءىسى مەكتەپتەگى بەينەلەۋ ونەرى پانىنەن باستالاتىنى بەلگىلى. وسى تۇرعىدان بەينەلەۋ ونەرى ءپانىن مەكتەپتە وقىتۋدىڭ نەگىزگى ماقساتى قورشاعان ورتا اسەمدىگىن كورۋ، سەزىنۋ، قابىلداۋ قاسيەتتەرىن قالىپتاستىرۋ، ەستەتيكالىق تالعامىن، شىعارماشىلىق قابىلەتىن جەتىلدىرۋ، كوركەمدىك قاراكەتتەردى ءوز بەتىمەن ورىنداۋعا ۇيرەتۋ بولىپ تابىلادى.
ۇلتتىق مەكتەپ فورماسى. مەكتەپتە وقۋشى فورماسىنا قويىلاتىن باستى تالاپ – ونىڭ ۇلتتىق سانا-سەزىمىن ويانۋىنا ىقپال ەتە ءبىلۋى. مەكتەپ وقۋشىلارى اراسىندا ۇلتتىق ناقىشتاعى مەكتەپ فورماسىن ەنگىزۋ.
الماتى قالاسىندا العاش رەت ۇيىمداستىرىلعان كوركەم ەڭبەك ءپانى مۇعالىمدەرى اراسىنداعى حالىقارالىق عىلىمي-تاجىريبەلىك سەمينار وتە جوعارى دەڭگەيدە وتكىزىلدى. سەميناردا تالقىلانعان ماسەلەلەر بولاشاقتا ءوز شەشىمىن تاباتىنىنا سەنىمدىمىز.