المالى اۋدانىنىڭ اكىمى ايدار جاقىبايەۆ الماتى وكق بريفينگىندە كوشە جارىعىن جاڭعىرتۋ تۋرالى ايتىپ بەردى. اۋداننىڭ كوشە جارىعىنا بيۋدجەتتەن 837،8 ملن تەڭگە ءبولىندى.
تامىز ايىنان باستاپ بارلىعى 2391 شام جانە 18 كم كابەلدىك جەلى اۋىستىرىلدى. اۋدان اكىمى ءوز سوزىندە تۇرعىنداردىڭ ەڭ كوپ وتىنىشتەرى كوشەلەردى جارىقتاندىرۋ ماسەلەسىنە قاتىستى ەكەنىن اتاپ ءوتتى.
«ەگەر اپتاسىنا 60-70 ءوتىنىش كەلىپ تۇسسە، ولاردىڭ شامامەن 40% - ى كوشەنى جارىقتاندىرۋعا قاتىستى. اعىمداعى جىلى اۋداننىڭ كوشە جارىعىنا بيۋدجەتتەن 837،8 ملن. تەڭگە ءبولىندى. المالى اۋدانى اكىمىنىڭ اپپاراتىمەن «الماتى قالا جارىق» مكك - مەن شارت جاسالدى»، - دەدى ا.جاقىبايەۆ.
سونىمەن قاتار، جەدەل ارەكەت ەتۋ ءۇشىن جەلىگە كۇن سايىن 7 ارنايى تەحنيكا شىعادى، وتكەن جىلى ءبىر عانا بىرلىك بولعان. 2023 جىلعى تامىزدان باستاپ تۇرعىنداردان 308 ءوتىنىم كەلىپ ءتۇستى، ونىڭ ىشىندە 236 (76%) پىسىقتالدى، بۇل رەتتە وتىنىمدەردى قاراۋ ۋاقىتى 5 تاۋلىككە دەيىن تومەندەدى.
سونداي-اق، قازىبەك بي، ايتەكە بي، جامبىل، اباي كوشەلەرىندەگى LED-شامداردى اۋىستىرۋ جۇمىستارى اياقتالۋدا. جەلتوقسان ايىنىڭ سوڭىنا دەيىن قاراساي باتىر، قۇرمانعازى، ابىلاي حان كوشەلەرىن اۋىستىرۋدى اياقتاۋ جوسپارلانۋدا.