الماتىدا حالىقارالىق بالالاردى قورعاۋ كۇنىن تويلاۋعا ارنالعان ءىس-شارالار 30 مامىردان باستالادى. قالالىق كىتاپحانالاردا بالالار سۋرەتى بايقاۋلارى مەن كىتاپ كورمەلەرى وتەدى:
- 30 مامىردا ساعات 10:00-دە №6 كىتاپحانادا «بالالاردىڭ كۇلكىسى الەمدى ارلەيدى» سۋرەتتەر بايقاۋى وتەدى؛
- مەملەكەتتىك قۋىرشاق تەاترىندا 31 مامىردا ساعات 11:00-دە بيىل تۇساۋى كەسىلگەن «ەتىك كيگەن مىسىق» سپەكتاكلى كورسەتىلەدى، سودان كەيىن جاس كورەرمەندەر «ۇيشىك» قويىلىمىن 14:30-دا قازاق تىلىندە جانە 16:00-دە ورىس تىلىندە كورە الادى.
1 ماۋسىم - بالالاردى قورعاۋ كۇنى قالانىڭ ءار تۇكپىرىندە مەرەكەلىك باعدارلامالار وتەدى:
- باستى كونسەرت ورتالىق مادەنيەت جانە دەمالىس ساياباعىندا ساعات 11.00-دە وتەدى. ساحنادا قازاقستاندىق ەسترادا جۇلدىزدارى، سونداي-اق بالالار ۆوكالدىق جانە بي ۇجىمدارى ونەر كورسەتەدى؛
- د.ا.قونايەۆ اتىنداعى مۋزەي ۇيىندە ساعات 11:00-دە جانە 15:00-دە «مەنىڭ مۋزەيىم» اتتى ەكسكۋرسيامەن قاتار كۆەست-ويىن وتەدى؛
- سونىمەن قاتار، ن. تىلەندييەۆ مەموريالدىق مۋزەيىندە ساعات 12:00-دە «بالالىق شاققا ساياحات» اتتى اشىق ساباق وتەدى؛
سونىمەن قاتار، بالالاردى قورعاۋ كۇنى قالانىڭ كەيبىر اۋدانىندا مەرەكەلىك ءىس-شارا وتەدى:
- الاتاۋ اۋدانىندا ساعات 11:00-دە نۇركەنت، 5/11 مەكەنجايىندا ورنالاسقان مۋلتيمەديالىق ءداستۇرلى مۋزىكالىق ورتالىعىندا بالالارعا ارنالعان ەكسكۋرسيا وتەدى.
- اۋەزوۆ اۋدانىندا ساعات 11:00-دە Family Park دەمالىس ساياباعىندا مەرەكەلىك كونسەرت، سونداي-اق سپورتتىق ويىندار مەن شىعارماشىلىق بەلسەندىلىك وتەدى.
- المالى اۋدانىندا ساعات 11:00-دەن 16:00-گە دەيىن ماحاتما گاندي ساياباعىندا حالىقارالىق بايقاۋلار مەن فەستيۆالدار لاۋرەاتتارىنىڭ جانە اۋداننىڭ شىعارماشىلىق ۇيىمدارىنىڭ انسامبلدەرىنىڭ قاتىسۋىمەن كونسەرتتىك باعدارلاما ۇيىمداستىرىلادى.
- جەتىسۋ اۋدانىندا ساعات 10:00-دە گۇلدەر ساياباعىندا Damu Bala باعدارلاماسىنىڭ قاتىسۋشىلارىمەن مەرەكەلىك كونسەرت، سونداي-اق كورمە، ءتۇرلى شەبەرلىك دارىستەرى مەن شاحماتتان تۋرنير وتەدى.
- مەدەۋ اۋدانىندا ساعات 13:00-دە ورتالىق مادەنيەت جانە دەمالىس ساياباعىندا، سونداي-اق الاتاۋ شاعىن اۋدانىندا ساعات 11:00-دە اۋداننىڭ شىعارماشىلىق ۇجىمدارىنىڭ قاتىسۋىمەن مەرەكەلىك كونسەرت وتەدى.
- ناۋرىزباي اۋدانىندا ساعات 18:00-دە شۇعىلا، 347 مەكەنجايىنداعى امفيتەاتر اۋماعىندا كونسەرتتىك باعدارلاما، قولونەر جارمەڭكەسى جانە سۋرەتتەر كورمەسى ۇيىمداستىرىلادى.
- تۇركسىب اۋدانىندا ساعات 10:00-دە س.سەيفۋللين اتىنداعى ساياباقتا ونەر ۇجىمدارى مەن انسامبلدەردىڭ قاتىسۋىمەن كونسەرتتىك باعدارلاما وتەدى، سونداي-اق بالالارعا ارنالعان ءتۇرلى كۆەستتەر، شىعارماشىلىق شەبەرلىك دارىستەرىمەن سپورتتىق ويىندار ۇيىمداستىرىلادى.