بيىل 29 مامىردان 29 ماۋسىمىنا دەيىن اعاشتاردى سانيتارلىق ماقساتتا كەسۋ ۇوس ارداگەرلەرى، زەينەتكەرلەر، 1، 2 توپتاعى مۇگەدەكتىگى بار ادامدار، كامەلەتكە تولماعان بالالاردى تاربيەلەپ وتىرعان جالعىزباستى انالار سىندى جالعىز ءوزى تۇراتىن الەۋمەتتىك وسال توپقا (ءحاوت) جاتاتىن جانداردىڭ اۋلاسىندا جۇرگىزىلەدى، دەپ حابارلايدى اlmaty-akshamy.kz.
حاوت-تەن اعاشتاردى سانيتارلىق ماقساتتا كەسۋ بويىنشا ءوتىنىم الماتى قالاسىنىڭ جۇمىسپەن قامتۋ جانە الەۋمەتتىك باعدارلامالار باسقارماسىندا تەل.: 338-30-24 بويىنشا قابىلدانادى. اعاشتاردى سانيتارلىق ماقساتتا كەسۋ قاجەتتىلىگىن انىقتاۋ ءۇشىن الدىن الا تەكسەرۋدەن كەيىن اۋدان اكىمدىكتەرى ءتيىستى ءىس-شارالار وتكىزەدى. 
ايتا كەتەتىن نارسە، اۋا-رايىنىڭ قولايسىزدىعى كەزىندە قۇلاۋ ءقاۋپى بار اپاتتى جاعدايداعى اعاشتاردى الىپ تاستاۋ جۇمىستارى الماتىدا ەرەكشە باقىلاۋدا. اعاشتاردىڭ جاي-كۇيىنە تۇراقتى تۇردە مونيتورينگ جۇرگىزىلەدى. اۋرۋ، قۇراعان، ءقاۋىپتى اپاتتى اعاشتار كەسىلەدى. جازاتايىم وقيعالاردىڭ الدىن الۋ ءۇشىن اعاش كەسۋ تۋرالى شەشىم جالپىعا بىردەي قورىتىندى شىققان سوڭ قابىلدانادى. ونىڭ ورنىنا 10 ەسە مولشەردە كوشەت وتىرعىزىلادى.
«الماتى – ءبىزدىڭ ورتاق ءۇيىمىز» ناۋقانى جانە «تازا قازاقستان» رەسپۋبليكالىق اكسياسى اياسىندا الماتى اكىمى ەربولات دوسايەۆتىڭ باستاماسىمەن مەگاپوليستە ءبىر ايدا 30 مىڭنان استام جاپىراقتى اعاش جانە 5 مىڭ بۇتا وتىرعىزىلدى، بۇل نيۋ-يوركتىڭ بارلىق ورتالىق ساياباعىنان كوپ.
«الماتى – ب ا ق قالا» اكسياسى بارىسىندا قالانىڭ بارلىق اۋدانىندا 8 205 جاسىل جەلەك وتىرعىزىلدى، ونىڭ 4 مىڭنان استام الما. تۇرعىندارعا ءوز اۋلاسىن كوگالداندىرۋ ءۇشىن 3 مىڭ كوشەت تاراتىلدى. «مەكتەپ اۋلاسىنىڭ ءوازيسى» فەستيۆالى اياسىندا الماتىلىق وقۋشىلار 20 مىڭنان استام گۇل، 430 جەمىس اعاشى جانە 200 تۋي كوشەتىن وتىرعىزدى.
مەملەكەت باسشىسىنىڭ تاپسىرماسىمەن «تازا قازاقستان» رەسپۋبليكالىق اكسياسى ەلدى مەكەندەر اۋماعىن كوركەيتۋ مەن كوگالداندىرۋعا، قورشاعان ورتاعا ۇقىپتى قاراۋ قۇندىلىقتارىن قالىپتاستىرۋعا، حالىق اراسىندا جوعارى ازاماتتىق جاۋاپكەرشىلىك پەن ەكولوگيالىق مادەنيەتتى تاربيەلەۋگە باعىتتالعان.