پحۋكەت – الماتى باعىتىنداعى اۋە رەيسى ۇشىپ كەلگەننەن كەيىن الماتى قالاسى اۋەجايىنداعى جەلىلىك پوليسيا ءبولىمىنىڭ قىزمەتكەرلەرى الماتى جانە كوكشەتاۋ قالالارىنىڭ 26 جاستاعى تۇرعىندارىن انىقتاپ، ۇستادى.
قازاقستان رەسپۋبليكاسىنىڭ مەملەكەتتىك شەكاراسىن كەسىپ ءوتۋ كەزىندە قىزمەتتىك-ىزدەستىرۋ ءيتى جولاۋشىلاردا ەسىرتكى زاتى بار ەكەندىگى تۋرالى بەلگى بەردى. تەكسەرۋ بارىسىندا ولاردان گاشيش، كەپتىرىلگەن ماريحۋانا جانە سينتەتيكالىق ەسىرتكى تابىلىپ، تاركىلەندى، دەپ حابارلايدى aqshamnews.kz Polisia.kz-كە سىلتەمە جاساپ.
ۇستالعاندار ءوز ارەكەتتەرىنىڭ زاڭسىز ەكەندىگىن بىلە تۇرا، تايلاندتا دەمالىس كەزىندە ەسىرتكى ساتىپ الىپ، جەكە تۇتىنۋ ءۇشىن سومكەلەرىندە ساقتاعان. اتالعان فاكتىلەر بويىنشا كولىك پوليسەيلەرى وتكىزۋ ماقساتىنسىز ەسىرتكى زاتتارىمەن زاڭسىز جۇمىس جانە اينالىستان الىپ قويىلعان زاتتاردىڭ كونترابانداسى ءۇشىن سوتقا دەيىنگى تەرگەۋ جۇرگىزدى. الماتى قالاسى تۇركسىب اۋداندىق سوتىنىڭ ۇكىمدەرىنە سايكەس كوكشەتاۋ قالاسىنىڭ تۇرعىنىنا 1 جىل 9 اي مەرزىمگە باس بوستاندىعىنان ايىرۋ تۇرىندەگى جازا تاعايىندالسا، الماتى قالامىنىڭ تۇرعىنىنا 200 اەك (738 400 تەڭگە) مولشەرىندە ايىپپۇل سالىندى.