سانيتارلىق تازالىق جۇرگىزۋدىڭ ساپاسى مەن جەدەلدىگىن ارتتىرۋ ءۇشىن الماتى قالاسىنىڭ اكىمى ەربولات دوسايەۆتىڭ تاپسىرماسىمەن «الماتى تازالىق» مكك ءۇشىن جولدى تازارتۋعا ارنالعان مامانداندىرىلعان تەحنيكا مەن تراكتورلاردىڭ جاڭا بۋىنى ساتىپ الىندى.
كوممۋنالدىق مەكەمەنىڭ گاراجى تازالاۋعا ارنالعان 12 تەحنيكامەن تولىقتى، دەپ حابارلايدى aqshamnews.kz الماتى قالاسى كوممۋنالدىق ينفراقۇرىلىمدى دامىتۋ باسقارماسىنا سىلتەمە جاساپ.
- 6 كونۆەيەرلىك-ۆاكۋۋمدىق سىپىرۋ ماشيناسى – سىپىرۋ ەنى 3،5 مەترگە دەيىن جەتەدى. بۇل تەحنيكا جاپىراقتاردى، قوقىقتى تازالاۋ ءۇشىن وتە ىڭعايلى. ەندى وسىنداي 23 ماشينا الماتىنىڭ نەگىزگى كوشەلەرىنە قىزمەت كورسەتەدى، ونىڭ 17ء-سى 2023 جىلى قالالىق بيۋدجەت ەسەبىنەن ساتىپ الىنعان.
- جولدار مەن تروتۋارلاردى تازالاۋعا ارنالعان 6 تراكتور – ءشومىشىنىڭ ەنى 2،5 مەتر، ششەتكاسى 1،8 مەتر.
«جاڭا تەحنيكا قول ەڭبەگىن ازايتۋعا مۇمكىندىك بەرەدى، ويتكەنى ءبىر ماشينا 30 ادامدى الماستىرادى، اۋىسىمىنا جىلدامدىق پەن جيناۋ ونىمدىلىگىن 100 مىڭ م2 دەيىن ارتتىرادى. سونىمەن قاتار، شۋى از، ساپالى تۇردە تازارتادى، شاڭداتپايدى. تراكتورلار قىستا قاردى تىرمالاۋ مەن كوكتايعاققا قارسى ماتەريالداردى سەبۋگە پايدالانىلادى»، - دەيدى الماتى قالاسى كوممۋنالدىق ينفراقۇرىلىمدى دامىتۋ باسقارماسىنىڭ باسشىسى دۋلات اشكەنوۆ.
جالپى، بيىل تاعى 20 بىرلىك تەحنيكا ساتىپ الۋ جوسپارلانىپ وتىر:
- 5 ەلەكتر سىپىرعىش-جيناۋ ماشيناسى - دىبىسسىز جۇمىس ىستەيدى، بۇل ولاردى تۇندە پايدالانۋعا مۇمكىندىك بەرەدى
- 3 سۇيىق رەاگەنت شاشقىش – كوكتايعاققا قارسى قولدانىلادى
- 2 اسسەنيزاتور ماشيناسى — ەرىگەن سۋدى سورۋعا ارنالعان
- 10 ارالاس جول ماشيناسى — جول تازالاۋعا ارنالعان.
انىقتاما: قالادا 2 318 كوشە سانيتارلىق ماقساتتا تازالانادى. بارلىعى قالاعا قىزمەت كورسەتەتىن 1084 بىرلىك ارنايى تەحنيكا جانە 1240 جۇمىسشى بار.
ەسكە سالساق، بيىل 19 شىلدەدە VIII سايلانعان ءماسليحاتتىڭ كەزەكتەن تىس ءححى سەسسياسى بارىسىندا دەپۋتاتتار الماتى قالاسىنىڭ اۋماعىن كورىكتەندىرۋدىڭ جاڭا ەرەجەسىن بەكىتتى. ەرەجە قىستا جانە جازدا اۋماقتاردى، كوشە-جول جەلىلەرىن جيناۋ بويىنشا جۇمىستاردى ۇيىمداستىرۋ ءتارتىبىن ايقىندايدى.