«حالىق قاتىساتىن بيۋدجەت» جوباسى بويىنشا داۋىس بەرۋدە الماتى قالاسىنىڭ قاي اۋداندارى كوش باستادى
2024 جىلدىڭ 22 قازانى مەن 1 قاراشاسى ارالىعىندا «حالىق قاتىساتىن بيۋدجەت» باعدارلاماسى اياسىندا الماتى قالاسىن اباتتاندىرۋ جوبالارىنا ونلاين داۋىس بەرۋ ءوتتى. كەلەسى كەزەڭدە ونلاين داۋىس بەرۋدىڭ قورىتىندىسى شىعارىلادى.
قالانىڭ ءاربىر اۋدان اكىمدىگى قابىلدانعان وتىنىشتەر مەن ءاربىر جوباعا داۋىس بەرگەن ازاماتتاردىڭ سانىن كورسەتە وتىرىپ، داۋىس بەرۋ ناتيجەلەرىن قالىپتاستىرادى جانە تالدايدى. قورىتىندىلاۋ 2024 جىلدىڭ 7 قاراشاسىنا دەيىن جالعاسادى.
بارلىعى 163 582 داۋىس بەرءىلدى، بۇل 2023 جىلمەن سالىستىرعاندا 31%-عا ارتىق. قالا تۇرعىندارى بيىلعى جىلى كەلەسى ساناتتار بويىنشا ەڭ كوپ جوبالارعا داۋىس بەردى
- قوعامدىق ورىنداردا ەرەسەك تۇرعىنداردىڭ دەمالۋى ءۇشىن بەسەدكالاردى، ورىندىقتاردى، قوقىس جاشىكتەرىن، بالالار جانە سپورت الاڭدارىن ورناتۋ جانە جوندەۋ - 55 708 داۋىس
- اۋلا اۋماقتارىندا جانە قوعامدىق ورىنداردا سپورت جانە بالالار الاڭدارىن ورناتۋ، جوندەۋ جانە جارىقتاندىرۋ - 33 577 داۋىس
- قوعامدىق اۋماقتاردى قۇرۋ، جوندەۋ جانە جارىقتاندىرۋ – 32 898 داۋىس
داۋىس بەرۋدە كەلەسى اۋداندار كوش باستادى: مەدەۋ – 36 726 داۋىس، المالى – 28 765 داۋىس جانە جەتىسۋ – 25 684 داۋىس. وتكەن جىلى سايلاۋشىلاردىڭ باسىم بولىگى مەدەۋ اۋدانىندا داۋىس بەرگەن.
المالى اۋدانىنداعى تىركەۋ ءنومىرى 24102020003 ءبىر جوبا 1904 داۋىس جينادى. تولە بي 160/24، اۋەزوۆ 32 جانە بوگەنباي باتىر 255 ۇيلەردىڭ تۇرعىندارى ءوز اۋلالارىن سۋ باسۋمەن كۇرەسۋگە جۇمىلدىرىلدى. بىرلەسكەن كۇش-جىگەردىڭ ارقاسىندا جوبا جاسالىپ، سحەمالىق ەسكيزى سىزىلىپ، الدىن الا سمەتاسى ەسەپتەلدى. تاتۋ كورشىلەر ءوز باستامالارىمەن «حالىق قاتىساتىن بيۋدجەت» باعدارلاماسىنا بەلسەنە اتسالىسىپ، داۋىس سانى بويىنشا اۋداننىڭ كوشباسشىسى اتاندى.
ەڭ كوپ داۋىس جيناعان جوبالاردى اۋدان اكىمدىكتەرى 2025 جىلى جۇزەگە اسىراتىن بولادى.
«حالىق قاتىساتىن بيۋدجەت» باعدارلاماسى بويىنشا كەڭەس نەمەسە اقپاراتتى اۋدان اكىمدىكتەرىنەن، سونداي-اق الماتى قالاسى اكىمدىگىنىڭ Open Almaty قوعامدىق قابىلداۋىنان 224 39 29 (ىشكى 203) تەلەفونى ارقىلى الۋعا بولادى.
ەسكە سالايىق، الماتى اكىمى ەربولات دوسايەۆتىڭ تاپسىرماسى بويىنشا 2024 جىلى «حالىق قاتىساتىن بيۋدجەت» باعدارلاماسى بويىنشا قارجىلاندىرۋ 18،8 ملرد تەڭگەگە (2023 جىلى 12،9 ملرد) دەيىن ۇلعايتىلدى. بيىلعى جىلى اۋدان اكىمدىكتەرى 2023 جىلعى داۋىس بەرۋ جەڭىمپازدارىنىڭ جوبالارىن جۇزەگە اسىرۋدى جالعاستىرۋدا، بۇگىنگى تاڭدا 261 جوبا جۇزەگە اسىرىلدى.