الماتىدا 2025 جىلى «حالىق قاتىساتىن بيۋدجەت» باعدارلاماسى بويىنشا 300-دەن استام جوبا جۇزەگە اسىرىلادى، دەپ حابارلايدى aqshamnews.kz
«حالىق قاتىساتىن بيۋدجەت» (حقب) باعدارلاماسى اياسىنداعى داۋىس بەرۋ قورىتىندىسى بويىنشا ىسكە اسىرىلاتىن جوبالاردىڭ سانى 308 بولدى. اۋداندىق اكىمدىكتەر مەن ساراپتامالىق كەڭەستەر budget.open-almaty.kz سايتىندا وتكەن ونلاين داۋىس بەرۋ ناتيجەسىن قورىتىندىلادى. جالپى العاندا، جوبالارعا 163،5 مىڭ داۋىس بەرىلدى، بۇل 2023 جىلمەن سالىستىرعاندا 31%-عا ارتىق. ەڭ كوپ جوبا ۇسىنعان الاتاۋ اۋدانىندا – 50، ودان كەيىن المالى اۋدانىندا – 45 جوبا، اۋەزوۆ جانە بوستاندىق اۋداندارىندا – 42 جانە 41 جوبا ماقۇلدانعان. ەڭ ازى ناۋرىزباي اۋدانىندا – 26 جوبا.
ايتا كەتسەك، حقب-نىڭ 2025 جىلعا ارنالعان ءار اۋدان بويىنشا ساراپتامالىق كەڭەستەردىڭ شەشىمدەرى «قۇجاتتار» بولىمىندە جاريالانعان. ءاربىر ءوتىنىمنىڭ مارتەبەسىن «جوبالار» قوسىمشا بەتىندەگى «مارتەبە» سۇزگىسى ارقىلى تەكسەرۋگە بولادى.
ەستەرىڭىزگە سالا كەتەيىك، ونلاين داۋىس بەرۋ 2024 جىلى 22 قازان مەن 1 قاراشا ارالىعىندا ءوتتى، ناتيجەسى 7 قاراشاعا دەيىن قورىتىندىلاندى. كەلەسى كەزەڭدە بيۋدجەت وتىنىمدەرىن قالىپتاستىرۋ 31 جەلتوقسانعا دەيىن جالعاسادى. جوبالاردىڭ 2025 جىلى جۇزەگە اسىرىلادى.
«حالىق قاتىساتىن بيۋدجەت» باعدارلاماسى تۋرالى كەڭەس نەمەسە اقپارات الۋ ءۇشىن اۋداندىق اكىمدىكتەرگە نەمەسە الماتى اكىمدىگىنىڭ قوعامدىق قابىلداۋ بولمەسى Open Almaty-عا 224 39 29 (ىشكى 203) تەلەفونى ارقىلى حابارلاسۋعا بولادى.
الماتى اكىمى ەربولات دوسايەۆتىڭ تاپسىرماسىمەن 2024 جىلى «حالىق قاتىساتىن بيۋدجەت» باعدارلاماسىن قارجىلاندىرۋ 18،8 ملرد تەڭگەگە دەيىن ۇلعايدى (2023 جىلى 12،9 ملرد بولعان). قازىرگى ۋاقىتتا اۋداندىق اكىمدىكتەر 2023 جىلى داۋىس بەرۋ ناتيجەسى بويىنشا جەڭىمپاز بولعان جوبالاردى جۇزەگە اسىرۋدا. بۇگىنگى كۇنگە دەيىن 2019-2023 جىلدار ارالىعىنداعى وتىنىمدەر بويىنشا 1 186 جوبا جۇزەگە اسىرىلدى.