قىركۇيەك ايىنىڭ باسىنان باستاپ الماتىلىقتار «حالىق قاتىساتىن بيۋدجەت» باعدارلاماسى اياسىندا 721 ءوتىنىم بەردى، - دەپ حابارلايدى اqshamnews.kz ءتىلشىسى.
قىركۇيەكتىڭ باسىنان بەرى الماتى قالاسىندا «حالىق قاتىساتىن بيۋدجەت» باعدارلاماسىنا تۇرعىنداردىڭ قىزىعۋشىلىعى ايتارلىقتاي ارتتى. 15 قىركۇيەكتەگى جاعداي بويىنشا قالا تۇرعىندارى 721 جوبا ۇسىنىسىن جولداعان.
الماتىلىقتار كوگالداندىرۋ، قوعامدىق كەڭىستىكتەردى اباتتاندىرۋ، تروتۋارلار مەن ارىقتاردى جوندەۋ، بالالار جانە سپورت الاڭدارىن ورناتۋ، سونداي-اق سانيتارلىق تازالىقتى قامتاماسىز ەتۋ بويىنشا ءتۇرلى يدەيالار ۇسىنۋدا.
وتىنىمدەردى قابىلداۋ 2025 جىلدىڭ 30 قىركۇيەگىنە دەيىن (قوسا العاندا) جالعاسادى. بۇل كەزەڭ اياقتالعاننان كەيىن بارلىق جوبالار ساراپتامالىق كەڭەستەر مەن اۋداندىق اكىمدىكتەردىڭ قاراۋىنا جىبەرىلەدى. ەڭ كوپ داۋىس جيناعان باستامالار 2026 جىلى ىسكە اسىرىلادى.
جوبانى budget.open-almaty.kz ونلاين-پلاتفورماسى ارقىلى ۇسىنۋعا بولادى. وتىنىمدە كەلەسى مالىمەتتەر كورسەتىلۋگە ءتيىس:
- جوبانىڭ اتاۋى مەن قىسقاشا سيپاتتاماسى؛
- نىساننىڭ ناقتى مەكەنجايى؛
- فوتو نەمەسە ەسكيز؛
- الدىن الا شىعىندار سمەتاسى.
قاتىسۋ شارتتارى:
- ءبىر ادام – ءبىر ءوتىنىم – ءبىر نىسان؛
- نىسان كوپشىلىككە قولجەتىمدى بولۋى جانە ءوتىنىم بەرۋشىنىڭ اۋدانىندا ورنالاسۋى قاجەت؛
- جوبانىڭ ەڭ جوعارعى بيۋدجەتى – 294،9 ملن تەڭگە.
بارلىق سۇراق بويىنشا تۇرعىندار ءوز اۋدانىنىڭ اكىمدىگىنە نەمەسە Open Almaty قوعامدىق قابىلداۋ بولمەسىنە 224 39 29 (ىشكى 203) تەلەفونى ارقىلى حابارلاسا الادى.