بيىل «حالىق قاتىساتىن بيۋدجەت» باعدارلاماسى جالپى 34 جوبانى ىسكە اسىرادى.
جوبا 2 كەزەڭ بويىنشا ىسكە اسىرىلماق. جوباعا بارلىعى 1،6 ملرد.تەڭگە بولىنگەن. العاشقى كەزەڭگە 771 ملن. تەڭگە بولىنسە، ەكىنشى كەزەڭدە 875 ملن. تەڭگەنىڭ جۇمىسى ىستەلىنەدى دەپ كوزدەلگەن، دەپ حابارلايدى Almaty-akshamy.kz.
تۇرعىنداردىڭ 17 جوباسىن قامتيتىن 1-كەزەڭ اياقتالعان. بۇل تۋرالى الماتى قالاسىنىڭ اكىمى ەربولات دوسايەۆ المالى اۋدانى تۇرعىندارىمەن كەزدەسۋىندە ايتتى.
ايتييەۆ 51، اۋەزوۆ 56، روزىباكييەۆ 53، كاريموۆ 87، جاروكوۆ 91، تولە بي 160، شاعابۋتدينوۆ 30، قاراساي باتىر 209، تولە بي 273؛ بەكەتوۆ – بوروديندەگى قوعامدىق كەڭىستىك؛ امجز سكۆەرىن اۆتوماتتى سۋارۋ قۇرىلعىسىن ورناتۋ ارقىلى كوگالداندىرۋ، اباتتاندىرۋ، «پروكوفيەۆ» بۋلۆارىندا، دۇيسەنوۆ كوشەسىنىڭ بويىندا 2 جوبا بويىنشا كوگالداندىرۋ، اۆتوماتتى سۋارۋ جۇيەسى جۇرگىزىلدى، -دەدى ە.دوسايەۆ.
1 قىركۇيەكتە اۋدان اكىمدىگى قالعان 17 جوبا بويىنشا باعدارلامانىڭ 2 كەزەڭىن ىسكە اسىرۋ جۇمىستارى باستالماق. اتاپ ايتقاندا، 11 جوبا – اۋلا كەڭىستىگىن جاڭعىرتۋ، 5 جوبا قوعامدىق كەڭىستىكتى وزگەرتۋگە جانە 1 ەكولوگيالىق جوبا جىبەك جولى جاياۋ جۇرگىنشىلەر كوشەسىنىڭ بويىندا ەكوۋرنالار (قايتا وڭدەلگەن جانە قايتالاما شيكىزاتتان وندىرىلگەن) ورناتۋعا باعىتتالعان.