الماتىدا كولىك ايناسى ۇرلىعى قىزىپ تۇر
الماتىدا كولىك ايناسى ۇرلىعىنىڭ بىرنەشە دەرەگى اشىلدى، – دەپ حابارلايدى Almaty-akshamy.kz Polisia.kz-كە سىلتەمە جاساپ.
مەدەۋ اۋداندىق پوليسياسىنىڭ مالىمەتىنشە، ەكى كۇن ىشىندە 3 كولىكتىڭ ايناسى قولدى بولعان. اتالعان قىلمىسقا قاتىسى بار كۇدىكتى ۇستالدى.
– بۇرىندا وسى ىسپەتتەس قىلمىس جاساعانى ءۇشىن سوتتى بولعان 37 جاستاعى كۇدىكتى قۇرىقتالدى. ول تەك BMW، Lexus، Toyota Land Cruiser سەكىلدى قىمبات كولىكتەردىڭ ايناسىنا قىزىققان كورىنەدى. ويتكەنى اتالعان كولىك يەلەرى ءبىر ۋاقىتتا شاعىم ءتۇسىردى. اتالعان قىلمىستى اشۋعا ارنايى جەدەل تەرگەۋ توبى قۇرىلدى. ناتيجەسىندە كۇدىكتى ۇستالدى. ۇرلانعان بارلىق كولىك اينالارى قىلمىستىق ىسكە ايعاق زات رەتىندە تىركەلدى. كۇدىكتىنىڭ ۇستىنەن ق ر قك-نىڭ 188-بابى بويىنشا قىلمىستىق ءىس قوزعالىپ، ول تەرگەۋ يزولياتورىنا قاماۋعا الىندى، – دەپ مالىمدەدى الماتى قالاسى مەدەۋ اۋداندىق پوليسيا باسقارماسى باستىعىنىڭ ورىنباسارى قانات جاقىپبايەۆ.
ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى.