الۋا جولدىبالينا، قسزي ديرەكتورىنىڭ ورىنباسارى:
بيىل ناۋرىز ايىندا «قازگيدرومەت» ورتالىعى قازاقستاننىڭ قاي ايماقتارىندا سۋ تاسقىنى ءقاۋىپى بار ەكەنىن بولجاعان بولاتىن. بارلىق ايماقتار قاتەرى جوعارى وڭىرلەر (10 ايماق)، قاتەرى ورتاشا ايماقتار (6)، قاتەرى تومەن ءوڭىر (1 وبلىس) دەپ بولىنگەن ەدى. سول ۋاقىتتان بەرى حالىقتىڭ دا، مەملەكەتتىك ورگانداردىڭ دا دايىندىق جۇمىستارىنا قاراماستان سۋ تاسقىنىنىڭ كولەمى دە، زاردابى دا ازايار ەمەس.
قازىرگى ۋاقىتتاعى ەڭ باستى 2 مىندەت: بىرىنشىدەن، ادام شىعىنىن بولدىرتپاۋ، ادامداردىڭ ءقاۋىپسىز ايماققا كوشۋىن تەز ءارى ءتيىمدى ۇيىمداستىرۋ. ەكىنشىدەن، زارداپ شەككەن ايماقتارعا تاماق، كيىم-كەشەك تۇرعىسىنان شۇعىل كومەك كورسەتىپ، ءومىر ءسۇرۋ جاعدايلارىن جاقسارتۋ.
وسىنداي جاعدايدا بارلىق ازاماتتار دا، بيزنەس تە، جەكەلەگەن ۇيىمداردا دا جۇمىلىپ، شاما كەلگەنشە كومەك كورسەتۋى ءتيىس.
ەرىكتىلەردىڭ مالىمدەۋىنشە، كەيىنگى ۋاقىتتا جۇمىس وتە كۇشەيگەن، سەبەبى حالىق قايىرىمدىلىق جاساۋعا وتە بەلسەندى قاتىسۋدا. كومەك قابىلداۋ ورتالىقتارى كۇندىز-تۇنى جۇمىس ىستەۋدە. وسىنىڭ ءبارى حالىق ءاردايىم بىرلىك پەن جاناشىرلىق ۇستانىمىندا ارەكەت ەتەتىنىڭ كورىنىسى.
كەلەشەكتە قۋاڭشىلىق پەن ءورت، سۋ تاسقىنى دەگەن سەكىلدى اپاتتار الدىن الۋدا، ىقتيمال تابيعي، تەحنولوگيالىق قاۋىپتەردىڭ ءبارى ەسكەرىپ، سارالايتىن تاۋەكەلدەردى باسقارۋ ورتالىعىن قۇرۋ دا وتە ماڭىزدى بولىپ كورىنەدى.