تاۋەلسىز قازاق ەلىنىڭ تاريحىندا اتا زاڭعا وزگەرىستەر مەن تولىقتىرۋلار ەنگىزۋ بويىنشا ەكىنشى رەت بۇكىلحالىقتىق رەفەرەندۋم 5 ماۋسىمدا ءوتتى. مەملەكەت باسشىسى ق.ك. توقايەۆ وتكىزىلگەن رەفەرەندۋم ناتيجەسىنە وراي قازاقستان حالقىنا ۇندەۋ جاسادى.
رەفەرەندۋمدا حالىق ءوز تاڭداۋىن جاسادى. ەڭبەكتەگەن بالادان، ەڭكەيگەن قارياعا دەيىن وزگەرىستى كۇتىپ جۇرگەنىن انىق ءبىلدىرىپ جاتىر. رەفەرەندۋمنىڭ الىن الا ناتيجەلەرى بويىنشا جالپى داۋىس بەرۋشىلەردىڭ 77،18% قولدادى. مەملەكەت باسشىسىنىڭ كەشەگى ۇندەۋىندە الدىمىزدا قانداي اۋقىمدى جۇمىستار تۇرعانىن انىق بايقاۋعا بولادى. رەفەرەندۋم - بۇل باستاماسى عانا. پارلامەنت تاراپىنان ونداعان كونستيتۋسيالىق زاڭدارعا وزگەرىستەر مەن تولىقتىرۋلار ەنگىزۋ جانە بىرنەشە جاڭا زاڭداردى قابىلداۋ قاجەتتىلىگى تۋىنداپ تۇر.
AMANAT پارتياسىنىڭ بارلىق دەڭگەيدەگى دەپۋتاتتارى رەسپۋبليكا بويىنشا مىڭداعان كەزدەسۋلەر وتكىزىپ، رەفەرەندۋمنىڭ ماڭىزدىلىعى تۋرالى حالىقتىڭ اراسىندا تۇسىندىرمە جۇمىستارىن جۇرگىزدى. وسى جولى ويعا تۇيگەنىم دەپۋتاتتارىمىز حالىقپەن تىعىز بايلانىستى كۇشەيتكەن سياقتى. قاراپايىم حالىق تاراپىنان تەك قانا رەفەرەندۋمعا بايلانىستى ەمەس، سونىمەن قاتار تولعاندىرعان سۇراقتارىن تىكەلەي قويىپ ورىندالۋىن تالاپ ەتىپ جاتىر.
جاڭا قازاقستاننىڭ شەتى كورىنەيىن دەپ قالدى ما دەگەن وي كەتتى. مەملەكەت باسشىمىزدىڭ باستاماسى جامان ەمەس. ەلىمىزدىڭ بولاشاعى ءۇشىن دەپ ەڭبەك ەتىپ جۇرگەن ازاماتتاردىڭ ءبىرى ەكەنىنە كوزىمىز جەتىپ وتىر. اللا ءوزى اماندىعىن بەرىپ، بولاشاق ءۇشىن جاڭا قازاقستاندى قۇرۋدا ەڭبەگىمىزدى ەسەلەنە بەرسىن دەپ تىلەيمىن.